राष्ट्रिय रोबोर्टिक्स प्रतियोगिता हुने

४ श्रावण २०६९, बिहीबार १६:३० मा प्रकाशित


काठमाडौं साउन ४ । साउन ५ र ६ गते दरशथ रंगशालाको कभर्डहलमा राष्ट्रिय रोबोर्टिक्स प्रतियोगिता (यन्त्र १.०) हुने भएको छ । नेपालमा पहिलो पटक हुने लागेको रोबोटिक्स प्रतियोगिता वृटिश राजदूत जोन टक्नटको प्रमुख अतिथ्यमा विहान ८.३० बजेदेखि सुरुहुने आज आयोजित पत्रकार सम्मेलनमा जानकारी दिईयो ।
प्रतियोगितामा काठमाडौं इन्जियरिङ कलेज, हिमालय कलेज अफ इन्जिनियरिङ, काठमाडौं युनिभरसिटी र अन्य प्लस टु कलेजलगायत २५ वटा कलेजको वीचमा प्रतिष्पर्धा हुने छ । राष्ट्रिय रोबोटिक्स प्रतियोगितालाई यन्त्र इन्जिनियरिङ र यन्त्र कलेज गरी दुई भागमा बाँडिएको छ ।
मिशन नेपाल नामको प्रतियोगिताले नेपालको भौगोलिक क्षेत्रलाई हिमाल, पहाड र तराईलाई प्रतिविम्ब गर्ने जनाएको छ । ४० भन्दा रोबोर्ट प्रतियोगिबाट छानिएर उत्कृष्ट भएका २४ वटा रोबोटहरुले ५ र ६ गतेकोे अन्तिम प्रतिष्पर्धामा भाग लिने छन् ।
यन्त्र इन्जिनियरिङ प्रतियोगिताको विजेताले  ५० हजार र यन्त्र कलेजको विजेतालाई  ३० हजार पुरस्कारको दिइने छ । यस बाहेक बेष्ट डिजाईन एवार्ड, वेष्ट अटोमेशन एवार्ड, वेष्ट पर्फमेन्स एवार्ड, भोटर्स एवार्ड र फेस बुक पपुलारिटि एवार्ड समेत प्रदान गरिने छ । यि एवार्डहरुलाई एसएमएस भोटिङबाट छानिने छन् ।
पत्रकार सम्मेलनमा नेपाल अटोमोवाईल डिलर्स एसोसिएसनका महासचिव दिपक थापाले हाम्रो देशमा शिप र क्षमता भएका विद्यार्थीहरु विदेश पलायन हुनबाट रोक्न राज्यले पहल गर्नुपर्ने बताए ।
उनले भने– नेपालका प्रतिभावान विद्यार्थीहरुले बनाएका रोबोट र उनीहरुले उत्पादन गरको सुरक्षा प्रविधिहरुलाई अटोमोवाईल सुरक्षाको लागि प्रयोग गरी उनीहरुको शिप र क्षमताको कदर गर्न सकिने दावी गरे ।
रोबोटिक्स एसोसिएसनका अध्यक्ष सुनोजदास श्रेष्ठले राष्ट्रिय रोबोटिक्स प्रतियोगिताको बारेमा जानकारी गराएका थिए ।

प्रतिक्रिया
सम्बन्धित खवर

काठमाडौं । नेपाल दूरसञ्चार प्राधिकरणले नेपालको आफ्नै भूउपग्रह (स्याटेलाइट) राख्ने प्रक्रिया रद्द गरेको छ । प्राधिकरणले आज एक सूचना जारी

एप्पल र सामसुङ इलेक्ट्रोनिक्सले ट्याब्लेट कम्प्युटरको बजारमा क्रमशः पहिलो र दोस्रो स्थान ओगट्न सफल भएका छन् । २१ औं काउन्टरपोइन्ट

काठमाडौं । जल तथा मौसम विज्ञान विभागले दूरसञ्चार सेवाप्रदायकसँग सहकार्य गरेर बाढीको पूर्वसूचना सर्वसाधारणको मोबाइलमा पठाउन थालेको छ । बाढी पूर्वानुमान

विश्वकै अग्रणी सूचना प्रविधि कम्पनी एप्पलले तार विना चार्ज गर्न मिल्ने आइप्याड चाडै नै बजारमा ल्याउने जनाएको छ । अहिले