धनगढी प्रिमियर लिग: उद्घाटन खेलमा काठमाडौँ गोल्डेन्स विजयी

१७ चैत्र २०७४, शनिबार २३:४९ मा प्रकाशित

धनगढी, १७ चैत । रुस्लान धनगढी प्रिमियर लिग (डिपिएल) क्रिकेटको उद्घाटन खेलमा काठमाडौँ गोल्डेन्स विजयी भएको छ ।

कैलालीको धनगढीस्थित संघीय प्रहरी इकाई कार्यालयको मैदानमा आज भएको खेलमा काठमाडौंँ गोल्डेन्सले स्थानीय टिम चौराह धनगढीलाई सात विकेटले पराजित गरेको हो । टिम चौराहले टस जितेर ब्याटिङ गर्दै काठमाडाँँै गोल्डेन्ससामु १४६ रनको लक्ष्य प्रस्तुत गरेको थियो ।

उक्त विजय लक्ष्य काठमाडाँै गोल्डेन्सले १८ दशमलव ४ ओभरमा पुरा ग¥यो । काठमाडौँका लागि अमित श्रेष्ठले सर्वाधिक ८१ रन बनाए । उनले ६५ बल खेल्दै चार छक्का र नौ चौका हाने । नरेश बुढाऐरले अविजित २४ रन तथा जयकिशन कोल्सावालाले १६ रन बनाए ।

बलिङतर्फ टिम चौराहका सुनिल धमला र सम्साद शेखले एक÷एक विकेट लिए । यसअघि टिम चौराहले निर्धारित २० ओभरको खेलमा ६ विकेट गुमाउँदै १४५ रन बनाएको थियो । टिम चौराहका लागि सुनिल धमलाले सर्वाधिक ६८ रन बनाए । उनले ५७ बल खेले । शंकर रानाले ३६ तथा राजु रिजालले १० रन बनाए ।

बलिङतर्फ काठमाडाँै गोल्डेन्सका साहब आलमले ह्याट्रिक विकेट लिए । उनले खेलको १८ औँ ओभरमा लगातार तीन विकेट लिएका हुन् । आलमले तेस्रो बलमा सुनिल धमला, चौथो बलमा सोमपाल कामी तथा पाँचौँ बलमा सोनु तामाङको विकेट लिएका थिए । आइतबार महेन्द्रनगर युनाइटेड र विराटनगर किंग्सबीच हुनेछ ।

प्रतिक्रिया
सम्बन्धित खवर

स्पेनिस ला लिगा फुटबलको बार्सिलोना लेभान्तेसंग बराबरीमा रोकिएको छ । गएराति भएको खेलमा लेभान्तेसँग बार्सिलोना ३ –३ को बराबरीम रोकिएको

लन्डन । इंग्लिस प्रिमियर लिग फुटबलमा म्यानचेस्टर युनाईटेडले पुनरागमन जित निकालेको छ । गएराति भएको खेलमा युनाईटेडले १० खेलाडीमा सिमित

लन्डन । म्यानचेष्टर युनाइटेड रोमालाई पराजित गर्दै युईएफए युरोपा लिगको फाइनलमा प्रवेश गरेको छ । त्यसैगरी स्पेनिस क्लब भिल्लारियल आर्सनललाई

लन्डन । इंग्लिस क्लब चेल्सीले यूईएफए च्याम्पियन्स लिग फुटबलको फाइनलमा प्रवेश गरेको छ । गएराति भएको सेमिफाइनलको दोस्रो लेगमा रियल