सिद्धान्तको राजनीति छोडे अधिकार प्राप्तिको आन्दोलन कमजोर हुन्छः पौडेल

३ श्रावण २०६९, बुधबार १७:५४ मा प्रकाशित

 काठमाडाँै, ३ साउन । नेपाली काँग्रेसका उपसभापति रामचन्द्र पौडेलले जनताको हकअधिकार सुनिश्चित गर्ने अभियानमा सिद्धान्तको राजनीतिलाई गौण बनाउन नहुने बताउनुभएको छ ।

नेपाल महिला सङ्घद्वारा राजधानीमा आयोजित नेतृत्व विकास प्रशिक्षण कार्यक्रममा उपसभापति पौडेलले समानता, स्वतन्त्रता, भातृत्व जस्ता मूल राजनीतिक सिद्धान्तलाई गौण बनाई सबैले आ–आफ्नो जातीय कुरामात्र उठाए   अधिकार प्राप्तिको लडाइँ कमजोर हुने बताउनुभयो ।

उपभासपति पौडेलले भन्नुभयो, “पहिचान, प्रतिनिधित्व, पहुँच र प्रगतिले नै सामाजिक रूपान्तरण गर्छ । सामाजिक रूपान्तरण सुनिश्चितताका लागि   प्रजातान्त्रिक समाजवादले ठाउँ पाउनुपर्छ ।”

उहाँले सङ्घीयताको लागि बहुजातीय, बहुसाँस्कृतिक, बहुधार्मिक बहुभाषिक र बहुविचारको मान्यतालाई स्वीकारिनुपर्ने बताउँदै एनेकपा (माओवादी) बहुलवादकोे दर्शनसँग आफूहरु मिल्न नसक्ने भन्दै पन्छिने गरेको आरोप लगाउनुभयो ।

“एनेकपा माओवादी समाजको रूपान्तरण हैन कि सत्तामा टिकिरहने मात्र चाहन्छ । उसले समाज बदल्ने नारालाई सत्तामा चढ्ने भ¥्याङ मात्र बनाइआएको छ”, उपभासपति पौडेलले भन्नुभयो ।

उहाँले महिला, आदिवासी, जनजाति, अल्पसङ्ख्यक र पिछडिएका वर्गको हितका लागि लोकतान्त्रिक वातावरण अपरिहार्य रहेको बताउँदै संसदीय राजनीतिले नै समावेशीतालाई प्रोत्साहन दिने हुँदा समाजका पिछडिएका वर्गको हित पनि त्यसैमा निर्भर छ भन्नुभयो ।

प्रतिक्रिया
सम्बन्धित खवर

डडेल्धुरा । सातवटा स्थानीय तह रहेको डडेल्धुराका पाँच स्थानीय तहमा नेपाली कांग्रेसले विजय हासिल गरेको छ । यहाँका दुई नगरपालिका

काठमाडौं । नेकपा (माओवादी केन्द्र) काठमाडौं उपत्यकाको तीन जिल्लामा रहेका स्थानीय तहको नेतृत्वमा शून्य हुने देखिएको छ । उपत्यकाको काठमाडौं,

धनगढी । नागरिक उन्मुक्ति पार्टीले कैलालीका दुई पालिकामा जित हासिल गरेको छ । ०७२ मा टीकापुरमा भएको घटनाको आरोपमा जेलजीवन

काठमाडौं । नेपाली कांग्रेसका महामन्त्री विश्‍वप्रकाश शर्माले स्थानीय तह निर्वाचनको परिणाम ‘उत्साहजनक’ आएको बताएका छन् । परिणाम उत्साहजनक आउनुलाई उनले

आजको प्रमुख समाचार