रिपब्लिकन सिनेटर टेड क्रुज द्वारा टिपीएस नविकरणका लागी सहयोग गर्ने वचन

१९ फाल्गुन २०७४, शनिबार ०९:४२ मा प्रकाशित

वाशिङ्गटन, डिसी । गैर आवासीय नेपाली सङ्घ राष्ट्रिय समन्वय परिषद एनआरएन अमेरिकाले अमेरिकी सरकारद्धारा प्रलयकारी भुकम्प पछि नेपालीलाई उपलब्ध गराइएको टेम्पोरोरी प्रोटेक्टेड स्टाटस, (टिपिएस) सुविधाको अवधी थप्न आवस्यक पहल गरिदिन अमेरिकी सिनेटर टेड क्रुजलाई भेटी औपचारिक अनुरोध गरेको छ ।

एनआरएन अमेरिकाका अध्यक्ष डा. केशव पौडेलको नेतृत्वमा गएको टोलीले नेपालको वर्तमान अवस्थाबारे जानकारी गराउँदै अमेरिकामा रहेका टिपिएस बाहक नेपालीहरूमा टिपिएस नबिकरण नभएमा पर्न सक्ने आर्थिक, सामाजिक, मानसिक समस्याबारे सिनेटर क्रुजलाई अवगत गराएको थियो ।

छलफलका क्रममा अध्यक्ष डा. पौडेलले टिपिएस एक अस्थायी समाधान भए पनि यसको समाधान दीर्घकालीन रूपमा खोज्नकालागी सिनेटर क्रुज समक्ष आग्रह गर्दै टिपिएस नबिकरणले अमेरिकामा रहेका नौ हजार बढी नेपाली परिवारहरूलाई सहयोग पुग्ने मात्र नभई नेपाल राष्ट्रलाई समेत आर्थिक रूपमा सहयोग पुग्ने भएकाले नबिकरणका लागि आवश्यक पहल गर्न सिनेटर क्रुज समक्ष आग्रह गरे ।

छलफलका क्रममा सिनेटर क्रुजले भूकम्प पश्चात् नेपालको आर्थिक र नेपाली जनजिबनमा पर्न गएको प्रभावबारे आफू जानकार रहेको र टिपिएस नबिकरणका लागी आफ्नो तर्फबाट प्रयास हुने बताए । भेटमा सिनेटर क्रुजले भने, ‘नेपालीहरूलाई परेको यो समस्याका बारेमा हामी सक्दो सहयोग गर्नेछौँ ।’

एनआरएन अमेरिकाका मिडिया कोर्डिनेटर बाल जोशीको संयोजनमा भएको सो बैठकका सहभागीहरूले सिनेटर क्रुजको जुडिसिएल समिति सँग समेत भेटघाट भएको थियो । सो समितिको प्रतिनिधित्व गर्दै जुडिसियल काउन्सिल क्याथलिन हुंकरले एनआरएन प्रतिनिधि मंडलसंग भेटी विनाशकारी भूकम्पले नेपालमा परेको दीर्घकालीन प्रभाव र अमेरिकामा रहेका टिपिएसधारी नेपालीहरूका बारेमा जानकारी लिएका थिए ।

सिनेटर क्रुज र जुडिसियल समितिकी काउन्सिल क्याथलिन हुंकरसंग भएका दुवै बैठकमा एनआरएन अमेरिकाको वर्तमान कार्यसमितिका पदाधिकारीहरू, एनआरएनका विभिन्न च्याप्टरका प्रतिनिधिहरू, पत्रकारहरू तथा विभिन्न सामाजिक सङ्घ संस्थाका प्रतिनिधिहरूको सहभागिता रहेको थियो ।

एनआरएन अमेरिकाका प्रवक्ता विनोद तिवारीले बैठक पश्च्यात एक विज्ञप्ति जारी गर्दै सिनेटर क्रुज र काउन्सिल हुङ्कर सँगको बैठकमा एनआरएन अमेरिकाका अध्यक्ष डा. केशव पौडेल, कोषाध्यक्ष डा. प्रकाश अर्याल, मिडिया कोर्डिनेटर बाल जोशी, कार्यसमिति सदस्य आङ ङिमा शेर्पा तथा एनआरएन न्यु योर्क च्याप्टरका अध्यक्ष रामहरी अधिकारी, उपाध्यक्ष विष्णु रानामगर र सदस्य बेगम पण्डितको सहभागिता रहेको जनाएका छन् । यसै गरी एनआरएन भर्जिनिया च्याप्टरका अध्यक्ष गोबन्द सुबेदी, सामाजिक संस्था अधिकारकी प्रतिनिधि आकृति खनाल, टिपिएस अलाएन्सका प्रतिनिधि मार्केल हरनान्जेज, प्रवासी नेपाली मञ्चका टेक गुरुङ र रामेछाप शेर्पा समाजका देण्डी शेर्पाको समेत प्रतिनिधि मण्डलमा सहभागी थियो । नेपाल अमेरिका पत्रकार सङ्घका प्रतिनिधिहरू अध्यक्ष भोला आचार्य, उपाध्यक्ष गुनराज लुइटेल र संस्थाका सदस्य पत्रकार निधेश अधिकारी र अस्कार केसी समेत छलफलका क्रममा सहभागी रहेको प्रवक्ता तिवारीद्वारा प्रेषित विज्ञप्तिमा उल्लेख छ ।

प्रतिक्रिया
सम्बन्धित खवर

अमेरिकी सिनेटअन्तर्गतको वैदेशिक मामिला समितिमा बुधबार नेपालमा कोरोना भाइरसले पारेको असरका बारेमा छलफल भएको छ । कोभिड–१९ महामारी र अमेरिकाको

अमेरिकी राष्ट्रपति जो बाइडेनको नयाँ प्रशासनले वार्षिक रूपमा अमेरिका प्रवेश गर्न दिने आप्रवासीको सङ्ख्यालाई १५ हजारबाट बढाएर ६२ हजार पाँच

माइक्रोसफ्ट कम्पनीका संस्थापक बिल गेट्स र उनकी पत्नी मेलिन्डा गेट्स सम्बन्ध विच्छेद गर्ने भएका छन् । उनीहरुले सामाजिक सञ्जालमार्फत २७

काठमाडौं । कोभिड १९ महामारी विरुद्ध लड्न अमेरिकाले नेपाललाई ८५ लाख अमेरिकी डलर अनुदान उपलब्ध गराउने भएको छ । नेपालका