राजधानीमा दिन दहाडै सुन पसलमा लुटपाट गर्न खोज्ने पक्राउ

३ श्रावण २०६९, बुधबार १४:१७ मा प्रकाशित

काठमाडौँ, ३ साउन । स्थानीय गोङ्गबुस्थित शिवमन्दिरनजिक रहेको सुन पसलमा लुटपाट गर्न पुगेका दुई भारतीयलाई प्रहरीले आज बिहान घटनास्थलबाटै पक्राउ गरेको छ ।

शिवमन्दिरनजिक रहेको धौलागिरि सुनाचाँदी पसलमा पुगेका तीनजनाको समूहले लुटपाट गर्दैछ भन्ने विशेष सुराकीका आधारमा गोङ्गबु प्रहरी चौकीबाट खटिएको प्रहरी नायब निरीक्षक दीर्घ बोगटीको टोली लुटेरालाई पक्राउ गर्न सफल भएको हो ।

महानगरीय प्रहरी परिसर हनुमानढोकाका प्रवक्ता धीरजप्रताप सिंहले सुनचाँदी पसलमा लुट्न पुगेका तीनमध्ये दुईलाई प्रनानि बोगटीको टोलीले घटनास्थलबाटै पक्राउ गर्न सफल भएको जानकारी दिनुभयो । उहाँले घटनास्थलमा पुग्न केही ढिलो गरिएको भए लुटेरा सुनचाँदी पसल लुट्न सफल हुने थिए भन्दै समयमा प्रहरीको टोली पुगेपछि लुटेरा एक राउन्ड फायर गरेर भाग्न खोजेको र प्रहरीले घेराबन्दी गरी पक्राउ गर्न सफल भएको बताउनुभयो ।

पक्राउ पर्नेमा भारत समष्टिपुर घर भई हाल गोङ्गबु बस्दै आएका रमेश ठाकुर र रञ्जित सिंह छन् । प्रहरीले उनीहरुको साथबाट एउटा पेस्तोल, एउटा रिभल्बर र तिनका चार÷चार गोलीसमेत बरामद गरेको छ ।  प्रहरीले भाग्न सफल एक भारतीयको खोजी भइरहेको जनाएको छ ।

प्रतिक्रिया
सम्बन्धित खवर

सर्लाही । सर्लाहीको ब्रह्मपुरी गाउँपालिका–३ भेल्हीस्थित निजी पोखरीमा डुबेर मृत्यु भएको अवस्थामा नौ दिनको शिशुसहित तीन जनाको शव फेला परेको

काठमाडौं । सिन्धुलीगढीमा नेपाली सेनाले शुरु गरेको युद्ध सङ्ग्रहालयको निर्माण सम्पन्न भएको छ । युद्ध सङ्ग्रहालयको आज राष्ट्रपति विद्यादेवी भण्डारीले

काठमाडौं । चितवनमा दैनिक पाँच हजार रुपैयाँ दिएर यौन धन्दामा लगाइएका १० जनाको उद्धार गरिएको छ । प्रहरीका अनुसार चितवनको

काठमाडौं । पूर्वसभामुख कृष्णबहादुर महराले उच्च अदालतबाट पनि सफाइ पाएका छन् । जवर्जस्ती करणी उद्योग मुद्दामा अदालतले सफाइ दिएको हो