पूर्वराजालाई गोलमेचमा स्थान रहने विप्लवको कथन

२ श्रावण २०६९, मंगलवार २२:२५ मा प्रकाशित


काठमाडौं, २ साउन । कुर्सीका लागि प्रचण्ड र बाबुरामहरुद्वारा राष्ट्रिय स्वाधिनताका मुद्दालाई त्यागेर देशै बेच्न समेत तयार भएकाले पार्टी विभाजन गर्नुपरेको खुलासा नेकपा–माओवादीका सचिव नेत्रविक्रम चन्दले गरेका छन् । शान्ति र संविधानलाई धरापमा पारेर नेतृत्वले माओवादीलाई अराजक र विकृत पारेको आरोप लगाउंदै विप्लवले भने– ‘नेतृत्व दक्षिणपन्थी संशोधनवादमा फसेकोले क्रान्तिकारितालाई बचाईराख्न पार्टी पुनर्गठन गरेका हौं ।’ पार्टीविभाजनपछि कार्यकर्ता प्रशिक्षणका लागि उनी मंगलबार बाग्लुङ पुगेका छन् । क्रान्तिकारी पत्रकार संघले आयोजना गरेको एक कार्यक्रमबीच बाग्लुङमा उनले उपरोक्त धारणा सार्वजनिक गरेका हुन् ।
सो अवसरमा उनले आफ्नो आर्थिक कमजोरीलाई लुकाउन प्रचण्ड संसदवादमा फसेको आरोप लगाउंदै भने– ‘जनमुक्ति सेनालाई विघटन गर्नु महान भूल थियो, अनमिनले प्रमाणित गरेका जनमुक्ति सेनालाई समपर्ण गराउने अधिकार प्रचण्डलाई थिएन । अब फेरि १९ हजार जनमुक्ति सेनालाई संगठित गरेर हामी अगाडि बढ्छौं ।’
मुलुकलाई राजनीतिक संकटबाट निकास दिनको लागि गोलमेच सम्मेलन आवश्यक रहेको दोहोर्याउंदै विप्लवले माओवादीको एजेण्डामा आए पूर्वराजा ज्ञानेन्द्र पनि गोलमेचमा सहभागी हुन सक्ने बताए ।

प्रतिक्रिया
सम्बन्धित खवर

काठमाडौँ।सरकारले स्यानिटरी प्याडमा कुनै पनि कर वृद्धि नगरेको स्पष्ट पारेको छ । महिनावारी हुँदा महिलाले प्रयोग गर्ने स्यानिटरी प्याडमा मूल्यवृद्धि

काठमाडौँ । नेकपा एमालेको केन्द्रीय कमिटीको बैठक आजबाट सुरु हुँदैछ। ललितपुरको च्यासलस्थित तुलसीलाल प्रतिष्ठानमा विहान ११ बजे बैठक बस्ने तय

काठमाडौं । नेपाली कांग्रेसले हिमाली जिल्लाको अधिवेशन दशैँअघि नै गर्ने निर्णय गरेको छ। बिहीबार कांग्रेस पदाधिकारी र निर्वाचन समितिको छलफलबाट

चितवन । इच्छाकामना गाउँपालिका–५ नाग्दीखोलास्थित पृथ्वी राजमार्गमा काठमाडौँबाट पोखरातर्फ जाँदै गरेको कार त्रिशूली नदीमा खस्दा तीन जना बेपत्ता भएका छन्