अनेसासले नेपालमा डायस्पोरा डेस्क स्थापना गर्ने

२ श्रावण २०६९, मंगलवार १३:३४ मा प्रकाशित

फ्लोरिडा (संयुक्त राज्य अमेरिका), २ साउन । अन्तर्राष्ट्रिय नेपाली साहित्य समाज (अनेसास)को केन्द्रीय अध्यक्षमा गीता खत्री निर्वाचित हुनुभएको छ ।

नवनिर्वाचित वरिष्ठ उपाध्यक्षमा राधेश्याम लेकाली (नेपाल), उपाध्यक्षमा डा विद्याराज सुवेदी (अमेरिका), जगत राई (बेलायत) र भीमसेन सापकोटा (अस्टे«लिया) हुनुहुन्छ, महासचिवमा पदम विश्वकर्मा(अमेरिका),सचिवमा वेदराज बस्नेत (अमेरिका) र कोषाध्यक्षमा नारायण अधिकारी (अमेरिका) हुनुहुन्छ ।

निर्वाचनमा करिब ५०० नेपालीको सहभागिता थियो । नयाँ पदाधिकारीको कार्यकाल दुई वर्षको हुनेछ ।

यहाँ आयोजित पद हस्तान्तरण तथा शपथग्रहण समारोहमा अनेसासका नवनिर्वाचित अध्यक्ष खत्रीले आफू नेपालको भाषा संस्कृति, रीतिरिवाज संरक्षण गर्ने तथा नयाँ पुस्तालाई जानकारी गराउने कार्यमा लाग्ने प्रतिबद्धता व्यक्त गर्नुभयो ।

महासचिव विश्वकर्माले आगामी दुई वर्षको अवधिमा विभिन्न नेपाली साहित्यकारको जन्मजयन्ती मनाउने, पुस्तकालय सञ्चालन गर्ने, नेपालमा डायस्पोरा डेस्क स्थापना गर्ने, नेपाली भाषासम्बन्धी पाठशाला सञ्चालन गर्ने जानकारी दिनुभयो । रासस

प्रतिक्रिया
सम्बन्धित खवर

लण्डन । बेलायतमा लामो समयदेखि बस्दै आउनुभएकी कवयित्री प्रतिभा केसी यस वर्ष अनेसास सुप्रमा इप्रमा पुरस्कारबाट सम्मानित हुनुभएको छ ।

लन्डन । नेपाल पत्रकार महासङ्घ (एफएनजे) युके शाखाले एक समारोहबीच पत्रकार श्रीभक्त खनाललाई यस वर्षको ‘एफएनजे युके वर्ष पत्रकारिता पुरस्कार’

काठमाडौँ । नेपाली काँग्रेस केन्द्रीय तरुण विभागको डेनमार्क शाखा प्रमुखमा काभ्रेका प्रदिप तिवारी मनोनयन हुनु भएको छ । आठ वर्षदेखि

अमेरिकाको टेक्सास राज्यस्थित युलेस सिटी काउन्सिल मेम्बरमा नेपाली मूलका टीका पौडेल विजयी हुनुभएको छ । स्थानीय समयानुसार शनिबार राति सम्पन्न