माओबादी अध्यक्ष दाहाल र भारतीय विदेशमन्त्री स्वराजबीच भेटवार्ता

१९ माघ २०७४, शुक्रबार ११:०८ मा प्रकाशित

काठमाडौं, १९ माघ । नेपालको दुईदिने भ्रमणमा रहनुभएकी भारतीय विदेशमन्त्री सुष्मा स्वराजले नेकपा माओवादी केन्द्रका अध्यक्ष पुष्पकमल दाहाल प्रचण्डसँग भेटघाट गर्नुभएको छ । अनौपचारिक भ्रमणमा आउनुभएकी स्वराजले आफू बसेको होटल सोल्टीबाटै भेटवार्तालाई आज पनि निरन्तरता दिइरहनु भएको छ ।

बिहीबार काठमाडौं उत्रिएलगत्तै स्वराजले एमाले अध्यक्ष केपी शर्मा ओलीसँग भेटवार्ता गर्नुभएको थियो भने एमाले नेताहरुसँग सामूहिक छलफल पनि गर्नुभएको थियो । दाहालसँगको भेटमा पछिल्लो राजनीतिक परिस्थिति र आपसी हितकाबारेमा छलफल भएको बताइएको छ ।
स्वराजले मधेशी दलका नेताहरुलाई सामूहिक भेट्नुभएको छ । भेटमा मधेशी नेताहरुले संविधान संशोधनमा भारतको सहयोग मागे पनि स्वराम मौन बस्नुभएको बताइन्छ ।

स्वराजले शुक्रबार नै राष्ट्रपति विद्यादेवी भण्डारी र प्रधानमन्त्री शेरबहादुर देउवासँग पनि भेटवार्ता गर्ने कार्यक्रम छ। राष्ट्रपति भण्डारीसँग शितल निवासमा र प्रधानमन्त्री शेरबहादुर देउवालाई बालुवाटारमा भेट्ने कार्यक्रम छ ।
विदेशमन्त्री स्वराज सवा २ बजे एयरपोर्टतर्फ प्रस्थान गरी ३ बजे स्वदेश फर्किने कार्यक्रम तय भएको छ ।

प्रतिक्रिया
सम्बन्धित खवर

काठमाडौं । प्रधानमन्त्री केपी शर्मा ओलीले संवैधानिक परिषद्को बैठक बोलाएका छन् । प्रधानमन्त्री ओलीले आइतबार बस्नेगरी बैठक बोलाएका हुन् ।

काठमाडौं । नेकपा एमालेको वरिष्ठ नेता माधव कुमार नेपालले ओलीसँग कुनै सहमति नभएको जानकारी दिएका छन् । उनले सामाजिक सञ्जाल

गैरआवासीय नेपाली सङ्घ, राष्ट्रिय समन्वय परिषद् अमेरिकासहित विभिन्न सङ्घसंस्था तथा प्रतिष्ठित व्यक्तिले अमेरिकी सरकारका अङ्गहरुमार्फत कोभिड–१९ को कहरले प्रभावित नेपाललाई

काठमाडौं । राष्ट्रपति विद्यादेवी भण्डारी र एमाले वरिष्ठ नेता माधवकुमार नेपालबीच गएराति करिब तीन घन्टा भेटवार्ता भएको छ । कांग्रेस