आजदेखि आङ्गीक क्याम्पस र अनुसन्धान केन्द्रहरू खुले

१ श्रावण २०६९, सोमबार १०:५२ मा प्रकाशित

काठमाडौ, १ साउन । एक वर्षदेखि बढेको तलब र पोसाकभत्ता उपलब्ध गराउन सरकारले सहमति जनाएपछि आजदेखि मुलुकभरका त्रिभुवन विश्वविद्यालय अन्तर्गतका आङ्गीक क्याम्पस र अनुसन्धान केन्द्रहरू खुलेका छन् । त्रिभुवन विश्वविद्यालय प्राध्यापक सङ्घका सचिव नन्दकिशोर सिंहले सरकारको प्रतिबद्धतापछि आन्दोलन फिर्ता लिइएकोे जानकारी दिनुभयो । अर्थमन्त्री वर्षमान पुन, शिक्षामन्त्री दीनानाथ शर्मा, अर्थसचिव कृष्णहरि बाँस्कोटा, शिक्षासचिव किशोर थापा सहितका त्रिवि पदाधिकारीसँग भएको वार्तामा सरकारले तलबभत्ता उपलब्ध गराउन सहमत भएपछि आन्दोलन फिर्ता लिइएको सिंहले बताउनुभयो । सरकारले तलब भत्ताबापत लाग्ने रु ८० करोडमध्ये  शिक्षा मन्त्रालयबाट रु ४०  करोड र अन्य रकम शोधनान्तर गरी उपलब्ध गराउन लागेको हो । सङ्घले तलबभत्ता पाउनुपर्ने माग राख्दै गत बिहीबार र शुक्रबार मुलुकभरका ६० वटा आङ्गीक क्याम्पस र ४ अनुसन्धान केन्द्र बन्द गराउँदा पठनपाठन प्रभावित भएको थियो ।

प्रतिक्रिया
सम्बन्धित खवर

काठमाडौं । जनता समाजवादी पार्टी (जसपा) का अध्यक्ष उपेन्द्र यादवले आफ्नो नेतृत्वमा सरकारमा सहभागी नहुने बताएका छन् । यसअघि उपप्रधानमन्त्रीसहित

काठमाडौँ । यती एअरलाइन्सको भगिनी संस्था तारा एयरले आगामी असोज २३ देखि पोखरा–जोमसोम उडानलाई नियमित गर्ने भएको छ । विश्वका

काठमाडौँ । कोरोना भाइरस सङ्क्रमणको अनुवांशिक(जीन सिक्वेन्सिङ) अध्ययन गर्दा नेपालमा डेल्टा भाइरस भेटिएको छ । राष्ट्रिय जनस्वास्थ्य प्रयोगशाला र त्रिभुवन

बुटवल । नेपाली कांग्रेसको १४ औं महाधिवेशन अन्तर्गत रुपन्देहीको गाउँ नगर अधिवेशनमा पार्टी सभापति शेरबहादुर देउवा र बरिष्ठ नेता रामचन्द्र