उमेर बीस, छोराछोरी पांच

३१ असार २०६९, आईतवार १६:०५ मा प्रकाशित

तनहुं, ३१ असार । ‘विवाहवारी १४ वर्षवारी” भन्ने उखान सहरीया र सम्पन्न परिवारका लागि नौलो भए तापनि तनहुंको भुजेल गाउंका वासिन्दाका लागि भने खासै नौलो होइन जिल्लाको पुरानो सदरमुकाम बन्दिपुर गाउं विकास समिति–८ र आंवुखैरेनी गाविस–१ मा रहेको भुजेल बस्तीका बालबालिका १४ वर्ष पुग्नुअगावै बिहे गरेर छोराछोरीको आमाबाबु बन्ने गरेका छन् ।
स्थानीय भरत भुजेलले १४ वर्षको उमेरमा विवाह गर्नु भनेको उमेर पक्का भएको मानेर विवाह गर्ने गरिएको बताउनुभयो । ‘आफ्नो छोराले १५ वर्षको हुंदा १३ वर्षकी केटीसंग विवाह ग¥यो”– स्थानीय सोमबहादुर भुजेलले भने–‘अहिले छोरो २० वर्षको हुंदा पांचजना छोराछोरीको बाबु बनिसकेको छ ।” हाम्रो पालामा त अझै कलिलो उमेरमा विवाह गर्ने चलन थियो, अहिले १४ वर्षमा विवाह गर्नु कुनै नौलो कुरा नभएको उनी बताउंछन् ।
कानुनअनुसार विवाहको लागि केटाकेटीको उमेर २० वर्षभन्दा माथि हुनुपर्ने प्रावधान रहे पनि यस क्षेत्रमा पुरानै सोचका आधारमा विवाह गरिने पराम्परा कायम रहेको पाइन्छ । गरिबी, बेरोजगार, अशिक्षा र अन्धविश्वासको भुमरीमा रुमल्लिएका यी गाउंका बालिकाको सानै उमेरमा विवाह गर्नु रहर नभई बाध्यता रहेको छ सानै उमेरमा विवाह गरेकी सीमा भुजेलले भनिन्– “यहांको त चलन नै यस्तै हो, पढ्ने रहर हुंदाहुंदै पनि बाबुआमाको भनाइलाई मान्नुपर्ने र विवाह गर्नुपर्ने चलन छ।“ आफूले १३ वर्षको उमेरमा विवाह गरेको र अहिले २२ वर्षको हुंदा एक छोरा र दुई छोरीको आमा बनिसकेको उनले बताइन् ।
तनहुंको पृथ्वी राजमार्गदेखि करिब दुई किलोमिटर दूरीमा रहेको यस बस्तीमा बालविवाह गर्नु हुंदैन भन्ने थाहा हुंदाहुंदै पनि परम्परागत सोचका कारण यो प्रथालाई हटाउन नसकिएको अर्का स्थानीय रामबहादुर भुजेलले बताए ।
उक्त बस्ती जिल्ला सदरमुकाम दमौलीबाट टाढा नभए पनि त्यस भेगका बालबालिकाको हकहितमा आवाज उठाउने कोही नभए जस्तो बनेको छ ।
रासस

प्रतिक्रिया
सम्बन्धित खवर

काठमाडौं । आज देशका धेरैजसो स्थानमा बिहानैदेखि वर्षा भइरहेको जल तथा मौसम विज्ञान विभागले जनाएको छ। देशका विभिन्न क्षेत्रमा आज

काठमाडौं। सभामुख अग्नि सापकोटाविरुद्ध परेको मुद्दामा सर्वोच्च अदालतको संवैधानिक इजलासले बुधबार सुनुवाइ गरेन ।प्रधानन्यायाधीश चोलेन्द्र शमशेर जबरा नेतृत्वको संवैधानिक इजलासमा

जिल्लाको दिपायल सिलगढी नगरपालिका–७ तथा पूर्वीचौकी गाउँपालिका–१ को सीमाक्षेत्र बुढोबाँज भन्ने ठाउँमा बेवारिसे अवस्थामा एक महिलाको शव फेला परेको छ

काठमाडौं । चैत्र शुक्ल नवमीका दिन मर्यादा पुरुषोत्तम भगवान् रामचन्द्रको सम्झनामा मनाइने ‘रामनवमी’ पर्व आज देशभरि श्रद्धा र भक्तिपूर्वक पूजा