एक हप्तामा सिरियाली छसय शरणार्थी लेबनानमा

३१ असार २०६९, आईतवार १५:०२ मा प्रकाशित

बेरुत, ३१  असार । एक हप्ताभित्र सिरियाली ६०० शरणार्थी लेबनानमा पुगेको शरणार्थी सम्बन्धी राष्ट्रसङ्घीय उच्च आयोगले जनाएको छ ।

युएनएचसिआरले साप्ताहिक प्रतिवेदनमा जनाएअनुसार ३० हजारभन्दा बढी सिरियाली शरणार्थी आफ्नो अशान्त देशबाट भागेर लेबनानमा सहयोगको लागि पुगिसकेका  छन् ।

यस भागेर लेबनानमा पुगेका  सिरियाली शरणार्थी मध्ये २८ हजार ४७६ व्यक्तिले दर्ता गराएको सो  आयोगले जनाएको छ । लेबनानका समाजिक मामिला मन्त्री वाएल अबु फाओरले सिरियन शरणार्थीलाई सहयोग प्रबन्ध गर्ने जिम्मेवारीबाट आफूहरू भाग्न नसक्ने बताउनु भएको छ ।
सिरियामा गतवर्षको मार्च महिनादेखि राष्ट्रपति बसार अल–असादको राजिनामाको माग गर्दै सुरु भएको जनप्रदर्शनको क्रममा हालसम्म १७ हजारभन्दा बढी नागरिकको ज्यान गइसकेको मानवअधिकारीहरूले दाबी गरेका छन्  ।

मुलुकमा यस प्रकारको रक्तपात नरोकिने हो भने सिरियामा गृहयुद्धको प्रबल सम्भावना रहेको र यदि गृहयुद्धको अवस्था आयो भने यसबाट लाखौँ व्यक्तिको ज्यान जाने सम्भावना रहेको भन्दै विश्व समुदायले चिन्ता व्यक्त गरेको जनाइएको छ ।

हिंसा हत्या रोक्न अन्तर्राष्ट्रिय दबाब जारी रहेको भएता पनि राष्ट्रपति असादले आफ्नो अडान छोडेका छैनन् । आन्दोनकारीहरू भने राष्ट्रपति आसदले सत्ता नछोडेसम्म कुनै पनि हालतमा आन्दोलन नरोकिने अडानमा छन् ।

प्रतिक्रिया
सम्बन्धित खवर

बंगलादेशमा एउटा विवाहको जन्तीमाथि चट्याङ पर्दा १७ जनाको मृत्यु भएको छ । घटनामा बेहुलासहित अन्य १४ जना घाइते भएका छन्

विश्वभरी कोरोनाभाइरसबाट सङ्क्रमितको साप्ताहिक सङ्ख्या बढ्दै गएको पाइएको छ । यही जुलाई १७ देखि २५ सम्मको सात दिनमा त्यसको अघिल्लो

बेइजिङ । कोरोना भाइरसको उद्गमस्थल चीनमा पछिल्लो समयमा नयाँ सङ्क्रमितहरु भेटिने क्रम बढेको बताइएको छ । चीनमा आइतबार कोरोना भाइरसका

सिड्नी । अष्ट्रेलियाको संघीय राजधानी सिड्नीमा संकटकाल घोषणा गरिएको छ । कोरोनाभाइरसको महामारी बढ्दै गएकाले त्यसलाई न्युनिकरण गर्नका लागि शुक्रबार