एमाले संसदीय निर्वाचनको पक्षमाः महासचिव पोखरेल

३० असार २०६९, शनिबार १८:११ मा प्रकाशित


काठमाडौ, ३० असार । नेकपा एमालेका महासचिव ईश्वर पोखरेलले आफ्नो पार्टी संविधानसभाको नयाँ निर्वाचन नभई संसदीय निर्वाचनको पक्षमा रहेको बताउनुभएको छ । नेकपा एमाले निर्वाचन क्षेत्रीय कमिटी क्षेत्र नं ५ ले आज काठमाण्डूको बसुन्धारामा गरेको कार्यक्रममा महासचिव पोखरेलले विघटित संविधानसभालाई ब्युँताएर वा पुनः अर्काे निर्वाचन गरेर पनि संविधानका विवादित विषयको टुङ्गो नलाग्ने दाबी गर्नुभयो ।  उहाँले यसअघिकै संविधानसभाले नयाँ संविधानका ८० प्रतिशत काम गरिसकेको र बाँकी कामलाई एक आयोग गठन गरी त्यसको सुझावका आधारमा संविधानको मस्यौदा तयार गरी नयाँ संसद्ले त्यसलाई पारित गराउनु नै उपयुक्त विकल्प भएको बताउनुभयो । महासचिव पोखरेलले राजनीतिक निकासका लागि संविधानका विवादित मुद्दामा सहमति, राष्ट्रिय सरकारको गठन र देशमा उत्पन्न कानुनी र राजनीतिक गाँठो फुकाउनु नै उत्तम भएको बताउनुभयो ।  उहाँले आफ्नो पार्टीका सबै कार्यकर्ता साझा पहिचानसहितको सङ्घीयताका पक्षमा रहेको जनाउँदै यस विषयमा पार्टीभित्र बाहिर चर्चामा आएजस्तो कुनै विवाद नभएको पनि स्पष्ट पार्नुभयो ।

प्रतिक्रिया
सम्बन्धित खवर

बुटवल । नेपाली कांग्रेसको १४ औं महाधिवेशन अन्तर्गत रुपन्देहीको गाउँ नगर अधिवेशनमा पार्टी सभापति शेरबहादुर देउवा र बरिष्ठ नेता रामचन्द्र

काठमाडौं । सत्तारुढ पाँच दलीय गठबन्धनले नागरिक अगुवाबाट दुई जनालाई मन्त्री बनाउँने सहमति गरेका छन् । प्रतिगमन विरुद्वका आन्दोलनमा सक्रिय

काठमाडौँ । प्रमुख विपक्षी दलका नेता केपी शर्मा ओलीले सरकारले दल विभाजन सम्बन्धी अध्यादेश जारी र खारेजी दुवै गैरकानूनी तथा असंवैधानिक

काठमाडौं । सत्तारुढ नेपाली कांग्रेसले सरकारमा सहभागी हुने मन्त्रीहरूको नाम भागबन्डाका आधारमा टुंगो लगाएको छ । कांग्रेस सभापति एवं प्रधानमन्त्री