पृथ्वीनारायण शाहको जन्म दिन पुस २७ गते सार्वजनिक बिदा दिने निर्णय

काठमाडौँ, १४ मंसिर । सरकारले राष्ट्र निर्माता पृथ्वीनारायण शाहको जन्म दिन पुस २७ गते सार्वजनिक बिदा दिने निर्णय गरेको छ । बिहिबार साँझ बसेको मन्त्रिपरिषद् वैठकले उक्त निर्णय गरेको हो । राष्ट्र निर्माता पृथ्वीनारायण शाहको जन्म दिन पुस २७ गते सार्वजनिक बिदा दिने निर्णयले मुलुकमा सबै जातजातिकाबीच राष्ट्रिय एकता कायम गर्न सहयोग पुग्ने विश्वास व्यक्त गरिएको छ ।

विगतमा उक्त दिनमा बिदाको प्रचलन रहेको भए पनि मुलुकमा सम्पन्न भएको दोस्रो जनआन्दोलनपछिका सरकारले सो बिदा कटौती गरेको थियो ।

नेपाली जनता र नागरिक समाजले पुस २७ गते सार्वजनिक बिदाको माग गरी एकता दिवस मनाउन सरकारसंग आग्रह गर्दै आएको थियो ।