एनआरएन अमेरिकाद्वारा आफ्ना सदस्यहरुलाई परिचय पत्र वितरणको प्रकृया सुरु

११ मंसिर २०७४, सोमबार ०३:४८ मा प्रकाशित

अमेरिका । गैर आवासीय नेपालीहरूको सङ्गठन एनआरएन अमेरिकाले आफ्ना सम्पूर्ण सदस्यलाई परिचय पत्र उपलब्ध गराउनका लागि आवश्यक सम्पूर्ण पूर्वाधार तयार गरी वितरणको प्रक्रिया सुरु गरेको छ।

एनआरएन अमेरिकाका अध्यक्ष डा. केशव पौडेलले सम्पूर्ण रजिष्ट्रड सदस्यलाई इमेलमार्फत गराएको जानकारी अनुसार अबको केही दिन भित्र परिचय पत्रका लागि आवश्यक फोटो अपलोड गर्नका साथै अन्य व्यक्तिगत जानकारी समेत अपडेट गर्न एक इमेल सदस्यलाई प्राप्त हुनेछ।

संस्थाको वेबपेजमा लग-इन गरी आफ्नो तस्बिर अपलोड गर्नका साथै अन्य जानकारी अपडेट गरेपश्चात परिचय पत्रका लागि प्रक्रिया अघि बढ्ने जानकारी अध्यक्ष डा. पौडेलले दिए। कसरी तस्बिर अपलोड गर्ने तथा अनलाइन प्रोफाइलको पासवर्ड बिर्सेको भए कसरी परिवर्तन गर्ने भन्ने विषयमा प्राप्त गरिने इमेलमा सबै सूचना समावेश हुने अध्यक्ष डा. पौडेलद्वारा प्रेसित विज्ञप्तिमा उल्लेख छ।

वर्तमान कार्यसमितिले पदभार ग्रहण गरेलगत्तै गत सेप्टेम्बर १७ तारिखमा बसेको कार्यसमितिको पहिलो बैठकले कार्यसमिति सदस्य गोपेन्द्र भट्टराईको संयोजकत्वमा एनआरएनए परिचयपत्र समिति गठन गरी परिचयपत्रको व्यवस्था अविलम्ब सुरु गर्न सम्पूर्ण जिम्मेवारी दिएको थियो।

सो बैठक पश्चात् संयोजक भट्टराईले एनआरएन अन्र्तराष्ट्रिय समन्वय समितिसँग छलफल तथा परामर्श गरी एनआरएनका सबै राष्ट्रिय समितीहरुमा एकै पत्रकारको परिचयपत्र वितरण गर्ने व्यवस्थाका लागी अन्र्तर्राष्ट्रिय समितिकी उपाध्यक्ष सपिला राजभण्डारीको संयोजकत्वमा अन्र्तर्राष्ट्रिय स्तरको अर्को समिति बनेको थियो।

एनआरएन अमेरिकाका मिडिया कोर्डीनेटर बाल जोशीले संचारकर्मीहरुलाई दिएको जानकारी अनुसार अबको केही साता भित्रमा अमेरिकाका सबै एनआरएन सदस्यहरूले आ आफ्ना स्थानीय शाखाहरुमार्फत परिचयपत्र प्राप्त गर्नेछन् तर यसका लागी भने प्रत्येक सदस्यले अनलाइन प्रोफाइल अपडेटका साथै पासपोर्ट साइजको तस्बिर समेत अपलोड गर्नुपर्नेछ।

प्रतिक्रिया
सम्बन्धित खवर

लण्डन । गैरआवसीय नेपाली युकेले नेपालमा बढ्दै गइरहेको कोरोनाको नियन्त्रण र रोकथामका लागि बेलायतबाट सक्दो सहयोग गर्न यहाँका नेपालीहरूलाई एकजुट

काठमाडौँ: गैरआवासीय नेपाली संघ (एनआरएनए) ले तत्काल करीब रु दुई करोड बराबरको स्वास्थ्य सामग्री नेपाल पठाउने निर्णय गरेको छ ।

गैरआवासीय नेपाली सङ्घ, राष्ट्रिय समन्वय परिषद् अमेरिकासहित विभिन्न सङ्घसंस्था तथा प्रतिष्ठित व्यक्तिले अमेरिकी सरकारका अङ्गहरुमार्फत कोभिड–१९ को कहरले प्रभावित नेपाललाई

काठमाडौं । गत साता भारतमा २० सहित विदेशस्थित २३ जनाको नेपालीको निधन भएको छ । गैरआवासीय नेपाली संघका अनुसार भारतलगायत