छुट्टाछुट्टै मतपत्रको व्यवस्था, छपाइ शुरु: निर्वाचन आयोग

१४ कार्तिक २०७४, मंगलवार ०६:५० मा प्रकाशित

काठमाडौँ, १४ कात्तिक । निर्वाचन आयोगले आगामी प्रतिनिधिसभा र प्रदेशसभाको पहिलो हुने विजयी हुने निर्वाचन प्रणालीतर्फ छुट्टाछुट्टै मतपत्रको व्यवस्था गरी छपाइ कार्यसमेत शुरु गरिसकेको जानकारी गराएको छ ।

प्रमुख निर्वाचन आयुक्त डा अयोधीप्रसाद यादवले आफ्नो कार्यकक्षमा आज साँझ पत्रकारसँग कुराकानी गर्दै प्रतिनिधिसभा र प्रदेशसभाको प्रत्यक्षतर्फको निर्वाचनमा बेग्लाबेग्लै मतपत्रको व्यवस्था गरी छपाइ कार्यसमेत प्रारम्भ भइसकेको औपचारिकरुपमा जानकारी गराउनुभएको हो ।

मतपत्रका बारेमा सर्वाेच्च अदालतमा परेको रिटमाथि अदालतले दिएको आदेशको सम्मान गर्दै आदेशको मर्म र भावनाअनुरुप बेग्लाबेग्लै मतपत्र छपाइ गर्ने क्रममा बझाङ र बैतडी जिल्लाको मतपत्र छपाइ शुरु भइसकेको उहाँले बताउनुभयो ।

समयको चाप, मतपत्रको छपाइ, मतदाता शिक्षा, ढुवानी, जनशक्ति, मतपेटिका, तालीम आदिजस्ता विषयको व्यवस्थापन गर्न निकै कठिन र चुनौती भएपनि संविधान कार्यान्वयनसँग प्रत्यक्ष जोडिएको आगामी निर्वाचनको सुनिश्चिततालाई आयोगले अदालतको भावना र मर्मको सम्मान गर्दै तोकिएकै मितिमा निर्वाचनको जिम्मेवारी पूरा गर्ने दृढताका साथ अघि बढेको प्रमुख निर्वाचन आयुक्त डा यादवले जानकारी दिनुभयो ।

उहाँले भन्नुभयो, “निर्वाचनलाई तोकिएकै समयमै सम्पन्न गर्ने क्रममा आइपर्ने विभिन्न खाले चुनौती र संकटको व्यवस्थापन गर्दै दृढ आत्मबलका साथ आयोग अघि बढेकाले अब देशको कुनै पनि शक्तिले निर्वाचनलाई रोक्न सक्दैन ।”

मतपत्र फरक भएपछि मतपेटिकाको कसरी व्यवस्थापन कसरी गर्ने भन्नेमा छलफल भइरहेकोमा त्यो विषय पनि छिट्टै टुङ्गो लगाउने सो अवसरमा जानकारी दिइयो । रासस

प्रतिक्रिया
सम्बन्धित खवर

काठमाडौँ । लुम्बिनी प्रदेशका नवनियुक्त मन्त्रीले पद तथा गोपनीयताको शपथ लिएका छन् । प्रदेश प्रमुख धर्मनाथ यादवले नवनियुक्त मन्त्रीहरु विजय

काठमाडौं । नेपाली कांग्रेसका सभापति शेर बहादुर देउवाले अहिले प्रजातन्त्रमाथि खतरा उत्पन्न भएकाले ओलीलाई प्रधानमन्त्रीबाट हटाउनुपर्ने बताएका छन् । नेपाल

काठमाडौँ । नेकपा एमालेको महाधिवेशन आयोजक कमिटीको बैठकले कर्णाली प्रदेशमा फ्लोर क्रस गराउन भूमिका खेलेको आरोप लगाएर २० जना नेतालाई

काठमाडौँ । सरकारले सार्जवनिक स्थानमा ५ जनाभन्दा बढी भेला हुन रोक लगाएको छ । सोमबार बसेको मन्त्रिपरिषद् बैठकले जारी गरेको