कालापानी छोड्न माग गर्दै ज्ञापनपत्र

२७ असार २०६९, बुधबार २१:०६ मा प्रकाशित

काठमाडौं, २७ असार । ‘ग्रेटर नेपाल अभियान’मा सरिक रहंदै आएका फणिन्द्र नेपालको अध्यक्षतामा गठित एकीकृत नेपाल राष्ट्रवादी मोर्चाले नेपालको कालापानीबाट भारतीय सेना हटाइयोस् भन्ने माग गर्दै नेपालका प्रधानसेनापति र भारतीय राजदूतावासमार्फत भारतीय स्थल सेनाध्यक्षलाई ज्ञापनपत्र बुझाएको दाबी गरेको छ । प्रत्यक्ष रुपमा ज्ञापनपत्र बुझाउन भारतीय राजदूतावास पुग्दा मंगलबार प्रहरीले अनुमति नदिएपछि ज्ञापनपत्रको प्रति हुलाकमार्फत बुधबार पठाइएको मोर्चाका अध्यक्ष नेपालले बताए ।
सन् १८१६ मार्च ४ मा गरिएको नेपाल–बेलायतबीचको सुगौली सन्धि इतिहासको कालो अध्याय भएको र यसले नेपाली स्वाभिमानको धज्जी उडाएकाले त्यसलाई सच्याएपछि मात्र दुवै मुलुकको हित हुने उल्लेख गरिएको तीनबुंदे ज्ञापनपत्रमा कैयौं सपूतले जीवनको आहुति दिएर बनाएको दुई मुलुकबीचको ऐतिहासिक सांध–सिमाना नेपालको नियन्त्रणबाहिर रहेको जनाइएको छ । त्यस्तै, महाकाली नदीभन्दा पूर्वको ३ सय १० किलोमिटर भू–भागमा फैलिएको कालापानी नेपालको अक्षुण्ण भू–भागमा स्वतन्त्र मुलुक नेपालको सहमतिबेगर विदेशी सेना बसिरहेकोे तथा सीमावर्ती क्षेत्रमा भारतीय सेनाले नेपाली नागरिकको हत्या, हिंसा र अमानवीय काम गरेकोले यसको उचित सम्बोधन दुवै मुलुकका रक्षा मन्त्रालयले गर्नुपर्ने माग गरिएको छ ।

प्रतिक्रिया
सम्बन्धित खवर

रामेछाप । रामेछापको सुनापातीमा यात्रु बाहक बस लुभुखोलामा दुर्घटनामा परेको छ ।  दुर्घटनामा  कम्तिमा ९ जनाको मृत्यु भएको प्रहरीले जनाएको छ । उद्धारकार्य जारी रहेकाले

काठमाडौं।उपत्यकाको सुरक्षा केन्द्र सरकार मातहत राख्ने विषयमा दलहरू विभाजित भएका छन् । सिंहदरवारस्थित राज्य व्यवस्था तथा सुशासन समितिको सभाकक्षा सोमबार भएको

रोम।इटालीले झण्डै ७० वर्षयताकै सबैभन्दा खराब खडेरीको सामना गरिरहेको छ । खडेरीपछि सरकारले पो नदी वरपरका धेरै क्षेत्रमा आपतकालीन अवस्था

काठमाडौं । रुसी राष्ट्रपति भ्लादिमिर पुटिनले युक्रेनको लिसेचान्स्क सहर कब्जा गरेपछि आफ्ना रक्षामन्त्रीलाई युक्रेनमा आक्रमण जारी राख्न आदेश दिएका छन्।