गान्धीको सामग्री भारतले किन्यो

२७ असार २०६९, बुधबार ११:४१ मा प्रकाशित

नयाँदिल्ली (एएफपी), असार २७ – महात्मा गान्धीका चिठीपत्रहरूको संग्रह, अन्य कागजात, तस्बिरहरू र सम्बन्धित अन्य सरसामान भारतले बेलायतबाट किनेको छ । ती सामान ११ लाख अमेरिकी डलर (७ लाख स्टर्लिङ पाउन्ड) मा किन्ने निर्णय भएको भारतको संस्कृति मन्त्रालयले जानकारी दिएको छ ।

महात्मा गान्धीका मित्र बेलायतका एक वरिष्ठ कलाकार हर्मन कलेनब्याकले ती सामानहरू संकलन गरेर राखेका थिए । संग्रहबाट ती सरसामानहरू किनिएको भारतले जनाएको छ । भारतको संस्कृति मन्त्रालयका सहसचिव सञ्जीव मित्तलले भने, ‘भारत सरकारले ती सामग्री खरिद गर्ने निर्णय गरिसकेको छ र त्यसका लागि आवश्यक पर्ने रकम पनि पठाइसकेको छ ।’ ती सामग्री राष्ट्रिय संग्रहालयमा राखिने उनले बताए । उनले भने, ‘विशेषगरी ती चिठीपत्रहरूबाट महात्मा गान्धीका विविध विचारहरू बुझ्न र यसबारे अध्ययन गर्न सहज हुनेछ ।’

बेलायतको इसा सारिदमा रहेको हर्मनको घरमा ती सामग्री रहेको भन्ने विषयमा भारतका एक वरिष्ठ इतिहासविद् रामाचन्द्र गुहाले पत्ता लगाएका थिए । ती सामग्री भेटिएपछि उनले भारत सरकारलाई जानकारी गराएका थिए । उनले दिएको जानकारीका आधारमा ती सामग्री खरिद गर्ने निर्णय भारत सरकारले हालै गरेको थियो । गान्धीका मित्र हर्मनको पहिले नै निधन भइसकेको र उनका आफन्तले उक्त सामग्रीको मूल्य ५ देखि ७ लाख स्टर्लिङ पाउन्ड राखेका थिए ।

प्रतिक्रिया
सम्बन्धित खवर

श्रीलङ्काका राष्ट्रपति गोताबाय राजापाक्षविरुद्धको अविश्वास प्रस्तावमाथि मङ्गलबार संसदमा भएको मतदानमा ११९ सांसदले विपक्षमा मतदान गरेका छन्। यससँगै विपक्षीले राष्ट्रपतिविरूद्ध पेश

महामारी परास्त गर्न चीनको शून्य–कोभिड रणनीति दिगो नभएको विश्व स्वास्थ्य संगठन (डब्लूएचओ)का प्रमुखले बताएका छन् । महामारी सुरु भएदेखि नै

काबुल । अफगानिस्तानमा तत्कालीन तालिबान लडाकुहरूले सत्ता कब्जा गरेपछि अहिलेसम्म झन्डै नौ लाख मानिसले जागिर गुमाएका छन् । अफगानिस्तानको पुनर्निर्माणका

सोल । दक्षिण कोरियाले उत्तर कोरियासँगको वार्ताको ढोका खुला राख्ने जनाएको छ । दक्षिण कोरियाका नवनियुक्त राष्ट्रपतिले सो कुरा बताएका

आजको प्रमुख समाचार