प्रधानमन्त्रीले बोलाएको सर्वदलिय बैठक विपक्षीद्धारा बहिष्कार

२६ असार २०६९, मंगलवार ११:५० मा प्रकाशित


काठमाडौ, २६ असार । विपक्षीदलहरुले बैठक बहिष्कार गरेपछि प्रधानमन्त्री डाक्टर बाबुराम भट्टराईले बोलाएको सर्वदलीय बैठक निस्कर्ष विहीन टुङ्गीएको छ । विपक्षीदलहरु प्रधानमन्त्रीले आह्वान गरेको बैठकमा नजाने भएपछि अब सर्वदलीय वैठक बोलाउने जिम्मा प्रचण्डलाई दिइएको छ । वैठकपछि एकीकृत नेकपा माओवादीका अध्यक्ष पुष्पकमल दाहाल प्रचण्डले विपक्षी दल सहभागि नभएकाले वैठक उपलब्धीपूर्ण नभएको प्रतिक्रिया दिनुभयो । उहाँले आजै अर्को सर्वदलीय वैठक बोलाउने र त्यसका लागि आफूले पहल गर्ने पनि बताउनुभयो । बजेट लगायतका विषयमा सहमति जुटाउन प्रधानमन्त्री डा बाबुराम भट्टराईले आज विघठित संविधानसभामा प्रतिनिधित्व गर्ने दलहरुको सयुक्त वैठक बोलाउनु भएको थियो । बैठकमा सरकारमा सहभागि दलहरुको भने सहभागिता रहेको थियो । विपक्षी दलहरुले प्रधानमन्त्रीले बोलाएको बैठकमा नजाने र पार्टीका तर्फबाट बोलाएको बैठकमा सहभागि हुने बताएका छन् । प्रचण्डले बैठक स्थलबाटै काग्रेस सभापति सुशिल कोइराला र एमाले अध्यक्ष झलनाथ खनाललाई फोन गरेर आफूले समन्व गरेको बैठकमा सहभागी हुन आग्रह गरेका थिए । एकीकृत नेकपा माओवादीको तर्फबाट अध्यक्ष प्रचण्डले ४ बजेपछि बैठक बोलाइएको उहाँको निजी सचिवालयले जनाएको छ । वैठक अन्तराष्ट्रिय सम्मेलन केन्द्र नयाँ बानेश्वरमा बस्नेछ ।

प्रतिक्रिया
सम्बन्धित खवर

लण्डन । कोरोना संक्रमणले तीन साताभित्र विदेशमा पछिल्ला तीन साताभित्र थप ३९ जना नेपालीको निधन भएको छ । गैरआवासीय नेपाली

काठमाडौँ । नेकपा एमालेका अध्यक्ष केपी शर्मा ओलीले माधवकुमार नेपाललगायतलाई पार्टीमा कुनै ठाउँ नभएको बताएका छन् । काठमाडौँ जिल्ला कमिटीको

काठमाडौं । जनता समाजवादी पार्टी (जसपा)को संसदीय दलको नेतामा उपेन्द्र यादव चयन हुनुभएको छ । सो पार्टीले नेता नवराज सुवेदीको

काठमाडौं । मदन पुरस्कार २०७७ को प्रारम्भिक सूचीमा ९ वटा पुस्तक परेका छन् । मदन पुरस्कार गुठीले शुक्रबार ९ वटा