निर्वाचनको तयारीबारे आयोगद्वारा सरकारको ध्यानाकर्षण

काठमाडौ, २५ असार । निर्वाचन आयोगले मङ्सिर ७ गतेका लागि तोकेको संविधानसभाको निर्वाचन बारे सरकारसँग जानकारी लिएको छ । आज प्रधानमन्त्री डा. बाबुराम भट्टराईसहित मन्त्रीहरुलाई बोलाएर आयोगले चुनावको तयारी र त्यसअघि गर्नुपर्ने कामका विषयमा ध्यानाकर्षण गराएको छ । आयोगले प्रधानमन्त्री भट्टराईलाई मङ्सिर ७ को चुनावका लागि साउन ७ गतेसम्ममा अन्तरिम संविधानलगायतका आवश्यक ऐन कानुन संशोधन गरिसक्न पनि भनिएको कार्यवाहक प्रमुख निर्वाचन आयुक्त नीलकण्ठ उप्रेतीले जानकारी दिनुभयो । उप्रेतीले समयमा ऐन नियम संशोधन नभए निर्वाचन गर्न कठिन हुने विषयमा पनि स्पष्ट पारेको बताउनुभयो । प्रधानमन्त्री भट्टराईले निर्वाचनको तयारीप्रति सरकार सन्तुष्ट र आफ्नो काम थाल्न पनि भनेको उप्रेतीले बताउनुभयो । आयोगले निर्वाचनका विषयमा भोलि दलहरुसँग पनि छलफल गर्दैछ ।