त्रिभुवन विश्वविद्यालय शिक्षण अस्पतालको सेवा सुचारु

२५ असार २०६९, सोमबार ११:४६ मा प्रकाशित

काठमाडौ, २५ असार । त्रिभुवन विश्वविद्यालय शिक्षण अस्पतालमा आन्दोलनरत चिकित्सकहरुले आन्दोलन स्थगन गरेपछि आजदेखि अस्पतालको सेवा सुचारु भएको छ । त्रिवि चिकित्साशास्त्र अध्ययन संस्थानका नवनियुक्त डिन प्रा डा कुमुदकुमार काफ्ले लगायतले हिजो साँझ अनशनरत प्रा डा गोविन्द केसीलाई फलफूलको जुस खुवाएर अनशन तोडाउनुभएको थियो । अध्ययन संस्थानमा करिब ९ महिनादेखि डिनसहित उच्च पदाधिकारी रिक्त रहेकाले तत्काल पदपूर्ति गर्नुपर्ने मागगर्दै प्रा डा केसीले गएको बिहीबारदेखि आमरण अनशन सुरु गर्नुभएको थियो । त्रिविले मागको सम्बोधन गर्दै अस्ति डिनमा वरिष्ठताका आधारमा प्रा डा काफ्लेलाई नियुक्त गरेको थियो । पाँच हप्तापछि उमेर हदका कारण अनिवार्य अवकाश पाउन लाग्नुभएका प्रा डा काफ्लेले आज पदबहाली गर्ने अस्पतालका प्रशासक चन्द्रकुमार राईले जानकारी दिनुभयो । अस्पतालमा सहायक डिन, क्याम्पस प्रमुख, सहायक क्याम्पस प्रमुखलगायतका पदाधिकारी नियुक्त हुन बाँकी छ ।

प्रतिक्रिया
सम्बन्धित खवर

लण्डन । कोरोना संक्रमणले तीन साताभित्र विदेशमा पछिल्ला तीन साताभित्र थप ३९ जना नेपालीको निधन भएको छ । गैरआवासीय नेपाली

काठमाडौँ । नेकपा एमालेका अध्यक्ष केपी शर्मा ओलीले माधवकुमार नेपाललगायतलाई पार्टीमा कुनै ठाउँ नभएको बताएका छन् । काठमाडौँ जिल्ला कमिटीको

काठमाडौं । सरकारले कोरोना भाइरस सङ्क्रमणविरुद्धको खोप आगामी असोजमसान्तसम्म एक करोड ८३ लाख ८२ हजार ८५० मात्रा ल्याउने भएको छ

झापा । विर्तामोडको एउटा होटलमा २२० डोज भेरोसिल खोपसहित स्वास्थ्य शाखा विर्तामोडका फोकल पर्सन ओमबहादुर खड्कालाई प्रहरीले नियन्त्रणमा लिएको छ