अनसन बसेका केसीको स्वास्थ्य गम्भीर

१७ मंसिर २०७३, शुक्रबार ०२:३८ मा प्रकाशित

काठमाडौँ, १६ मंसिर । चिकित्सा शिक्षा र स्वास्थ्य क्षेत्रका बेथितिविरुद्ध १९ दिनदेखि आमरण अनशनरत त्रिवि शिक्षण अस्पतालका प्रा डा गोविन्द केसीको स्वास्थ्य गम्भीर बन्दै गएको छ ।

यस पटक त्रिविका उपकुलपति डा तीर्थ खनियाँ र चिकित्साशास्त्र अध्ययन संस्थानका डिन डा केपी सिंहको राजीनामाबारे सरकारसँग कुरा नमिलेपछि अनशन लम्बिँदा उहाँको स्वास्थ्य गम्भीर बन्दै गएको हो । प्रा डा केसीका तर्फबाट वार्ता टोली सदस्य डा लिजन महर्जनले उहाँको अवस्था बिगँदै जाँदा मुटुमा असर पर्ने सम्भावना बढेको बताउनुभयो ।

उहाँले भन्नुभयो,‘‘उहाँलाई बोल्न समस्या भएको, छाती, घाँटी दुख्ने समस्या बढेको, रगतमा डब्लुबिसी र अक्सिजनको मात्रा कम भएकाले अक्सिजन दिइरहेका छौँ । कुनै पनि बेला उहाँको मुटुको चाल तलमाथि हुन सक्छ ।’’

सरकारसँग चार पटकसम्म वार्तामा बस्दा पनि कुनै ठोस निर्णय नआएपछि प्रा डा केसी पक्षले उपकुलपति र डिनको राजीनामापछि मात्र वार्तामा बस्ने अडान लिएको छ । उहाँले भन्नुभयो, ‘‘हामीले सरकारी पक्षलाई ठोस निर्णयपछि मात्र हामीलाई वार्ता बोलाउन भनेका छौँ, अहिलेसम्म कुनै खबर आएको छैन ।’’
सरकारी चिकित्सक सङ्घ नेपाल, नेपाल चिकित्सक सङ्घ, आवासीय चिकित्सक, रेजिडेन्ट चिकित्सकले सरकारी स्वास्थ्य संस्थामा आकस्मिक बाहेक अन्य सेवा बन्द गरी अनशनको समर्थन गर्दै प्रा डा केसीको जीवन रक्षाको माग गरेका छन् । रासस

प्रतिक्रिया
सम्बन्धित खवर

काठमाडौं । सरकारले कोरोना भाइरसविरुद्धको पहिलो मात्रा खोप लगाएकाहरुलाई आजदेखि दोस्रो मात्रा खोप दिन सुरु गरेको छ । पहिलो चरणमा

काठमाडौं- प्रत्येक वर्ष चैत्र शुक्ल अष्टमीका दिन मनाइने चैते दशैँ पर्व आज नेपालीले घर घरमा नवदुर्गा भगवतीको पूजा आराधना गरी

काठमाडौं । नेपाली कांग्रेसका सभापति शेर बहादुर देउवाले अहिले प्रजातन्त्रमाथि खतरा उत्पन्न भएकाले ओलीलाई प्रधानमन्त्रीबाट हटाउनुपर्ने बताएका छन् । नेपाल

काठमाडौँ । नेकपा एमालेको महाधिवेशन आयोजक कमिटीको बैठकले कर्णाली प्रदेशमा फ्लोर क्रस गराउन भूमिका खेलेको आरोप लगाएर २० जना नेतालाई