मनाङ-मुस्ताङका पहाड चढ्दै निशा

२४ असार २०६९, आईतवार ०४:०९ मा प्रकाशित

काठमाडौं । मान्छेका सौख फरकफरक हुन्छन् । त्यही भएर त मानिस पेशा एउटा अंगालेर पनि सौख पूरा गर्न नितान्त बेग्लै बाटोमा हिंड्छ । यस्तै कोशिसमा छिन्, नायिका निशा अधिकारी पनि । उनी अहिले आफ्नो धेरै अगाडिदेखिको सौख पूरा गर्न फिल्मी दुनियाँबाट अलग भएर एक महिने मनाङ यात्रामा निस्किएकी छिन् ।

उनी त्यहाँ ‘बेसिक माउन्टेनरिङ’ कोर्षको अभ्यासका लागि पुगेकी हुन् । ‘माउन्टेनरिङ गर्ने मेरो धेरै अघिदेखिको हब्बी हो,’ उनले मनाङबाट फोनमा भनिन्, ‘मलाई यस्ता कुराले निकै आनन्द दिन्छ ।’
कतिपयले नायिका निशाले सगरमाथा चढ्ने तयारी गरिरहेको अनुमान लगाएपनि उनले त्यसलाई अस्विकार गरिन् । ‘त्यो बिल्कुलै गलत कुरा हो,’ निशाले भनिन्, ‘तत्काल त्यस्तो कुनै योजना छैन ।’ तर भविष्यमा के हुन्छ अहिल्यै भन्न नसकिने बताउँदै उनले कुनै समय सगरमाथा चढ्न सक्ने संकेत भने गरिन् ।

उनी मनाङ-मुस्ताङ क्षेत्रबाट २५ तारिख काठमाडौं र्फकंनेछिन् । उनी अभिनित सिनेमा ‘मायाज बार’ प्रदर्शनको तयारीमा छ । निशाले आधा दर्जनभन्दा बढी चलचित्रमा अभिनय गरिसकेकी छिन् ।
Source: filmnepal.com

प्रतिक्रिया
सम्बन्धित खवर

पोखरा । कल्याण शेरचन स्मृति प्रतिष्ठानद्वारा पोखरामा आयोजित राष्ट्रिय खुला दोहोरी गीत प्रतियोगिताको उपाधि नगरकोट दोहोरी साँझ काठमाडौँले हात पारेको

कास्की । कास्कीको पोखरामा आजदेखि सर्वाधिक पुरस्कार राशि भएको राष्ट्रिय खुला दोहोरी गीत प्रतियोगिता हुने भएको छ । ‘लोकसंस्कृति जोगाऔँ,

काठमाडौं । चर्चित रियालिटी टिभी शो ‘बिग बोस’ मा देखिएकी एक अभिनेत्रीले बोल्डनेसमा बलिउडका ठूला अभिनेत्रीहरुलाई पछि पारेकी छिन् ।

काठमाडौं । नायिका नम्रता मल्ल अहिले इन्टरनेटमा निकै चर्चामा आएकी छिन् । ‘हट एण्ड सेक्सी’ अवतारमा उनी सामाजिक सञ्जालमा छरपष्ट