के छ सवीरको ‘रेडवाइन’ भित्र ?

२४ असार २०६९, आईतवार ०४:०७ मा प्रकाशित

काठमाडौं । मदिरामा पि्रय वस्तु हो, रेडवाइन धेरैका लागि । निर्देशक सवीर श्रेष्ठलाई समेत रेडवाइन खुबै मन पर्दोरहेछ । कतिसम्म पि्रय रहेछ भने उनले आफ्नो पछिल्लो फिल्मको नामै ‘रेडवाइन’ जुराइदिए । यो फिल्ममा सस्पेन्स थ्रीलर शैलीको लभ स्टोरी हेर्न सकिने छ ।

जसरी रेडवाइनलाई धेरैले पि्रय पेयपदार्थ मान्छन्, त्यसैगरी उनको सिनेमालाई मन पराउने आधार रहला वा नरहला ? ‘अन्य थ्रीलर शैलीका सिनेमाभन्दा फरक गर्ने कोशिश गरेको छ,’ उनको भनाइ छ, ‘रेडवाइन साँच्चै रेडवाइनकै स्वादमा हुने छ ।’

अहिले उनी ‘हमेशा’ सिनेमामा व्यस्त भएकोले तिहारपछि मात्रै यसको छायांकन गरिने सवीरले फिल्म नेपाललाई जानकारी दिए । उनको यो छैटौं फिल्म हो । गायक एसकुमारको जीवनीमा आधारित चलचित्र ‘आदिबाटो’को काम समेत गर्दैछन्, उनी ।

फिल्मको चार वटा गीतको रेकर्डिङ भने शुरु भएको छ, १८ असारदेखि । दिनेश सुनामले संगीत निर्देशन गरेको फिल्मका लागि प्रमोद ढुंगाना र किरण खरेलले गीत कोरेका छन् ।
Source: www.filmnepal.com

प्रतिक्रिया
सम्बन्धित खवर

पोखरा । कल्याण शेरचन स्मृति प्रतिष्ठानद्वारा पोखरामा आयोजित राष्ट्रिय खुला दोहोरी गीत प्रतियोगिताको उपाधि नगरकोट दोहोरी साँझ काठमाडौँले हात पारेको

कास्की । कास्कीको पोखरामा आजदेखि सर्वाधिक पुरस्कार राशि भएको राष्ट्रिय खुला दोहोरी गीत प्रतियोगिता हुने भएको छ । ‘लोकसंस्कृति जोगाऔँ,

काठमाडौं । चर्चित रियालिटी टिभी शो ‘बिग बोस’ मा देखिएकी एक अभिनेत्रीले बोल्डनेसमा बलिउडका ठूला अभिनेत्रीहरुलाई पछि पारेकी छिन् ।

काठमाडौं । नायिका नम्रता मल्ल अहिले इन्टरनेटमा निकै चर्चामा आएकी छिन् । ‘हट एण्ड सेक्सी’ अवतारमा उनी सामाजिक सञ्जालमा छरपष्ट