शिक्षण अस्पतालमा आज सबै सेवा बन्द

२३ असार २०६९, शनिबार १५:१६ मा प्रकाशित

काठमाडौ, २३ असार । त्रिभुवन विश्वविद्यालय चिकित्सा विज्ञान अध्ययन संस्थान शिक्षण अस्पतालमा आज सबै सेवा बन्द भएका छन् । दक्ष पदाधिकारीको नियुक्तिको माग गर्दै आन्दोलमा उत्रिएका शिक्षण अस्पताल महाराजगञ्जका चिकित्सकहरुले आजको सबै सेवा बन्द गरेका हुन् । सेवा रोकिएपछि अस्पतालमा भर्ना भएका विरामीहरु मर्कामा परेका छन् । शिक्षण अस्पताल सुधार अभियानका लागि अनसनमा बस्नुभएका वरिष्ठ हाडजोर्नी विशेषज्ञ गोविन्द केसीको स्वास्थ्य अवस्था नाजुक बन्दै गएको छ । उहाँको अनसन भने जारी नै छ । त्रिभुवन विश्वविद्यालय चिकित्साशास्त्र अध्ययन संस्थान तथा शिक्षण अस्पतालमा उच्च पदाधिकारीहरु डीन, सहायक डीनहरु, क्याम्पस प्रमुख, सहायक क्याम्पस प्रमुखहरुको चयन नभएको भन्दै विगत १८ महिनादेखि कर्मचारीहरु आन्दोलित छन् । केसीको अभियानमा ऐक्यबद्धता जनाउन विभिन्न संघ संस्थाका प्रतिनिधि पनि भोलिदेखि २४ घण्टे रिले अनशनमा बस्ने भएका छन् । नेपालको सबैभन्दा राम्रो अन्तर्राष्ट्रिय संस्था त्रिभुवन विश्वविद्यालय चिकित्साशास्त्र अध्ययन संस्थान र शिक्षण अस्पताल नयाँ पदाधिकारीहरुको नियुक्ति नहुँदा धराशयी बन्दै गएको केसीको भनाई छ ।

प्रतिक्रिया
सम्बन्धित खवर

हुम्ला । मुगु र हुम्ला जिल्ला जोड्ने लिंक रोड निर्माण गरे पनि कर्णाली नदीमा पुल निर्माणमा ढिलाइ भएको छ ।

दक्षिणी धादिङको ताल्तीस्थित हुरेमा सोमबार एक पुरुषले श्रीमतीको हत्या गरेर आफूले समेत आत्महत्या गरेका छन् । बेनिघाटरोराङ गाउँपालिका–२ ताल्तीस्थित हुरेका

पाल्पा । सिद्धार्थ राजमार्ग अन्तरगत सिद्धबाबा नजिकै गुडिरहेको जिपमा खसेको ढुङ्गाले च्यापेर एक जनाको मृत्यु भएको छ । मृत्यु हुनेमा

मेलम्ची खोलामा आएको निरन्तरको बाढीले सोमबार राति मेलम्ची–११ का सात घर बगाएको छ । गत असार १ गतेको बाढीले कटान