सहमतिविनाको बजेट राष्ट्रपतिलाई अमान्य

२२ असार २०६९, शुक्रबार २१:३७ मा प्रकाशित

काठमाडौं, १५ असार । नेपाली कांग्रेसका सभापति सुशील कोइरालासंग हिजो भएको ‘पारिवारक भेटघाट’पछि सरकाप्रति राष्ट्रपति डा. रामवरण यादव अपेक्षाकृत कडा रुपमा प्रस्तुत हुन थाल्नुभएको अनुभूति गरिएको छ । आज राष्ट्रपतिलाई भेट्न पुगेका गृह एवम् उपप्रधानमन्त्री विजय गच्छदारलाई राष्ट्रपति रामवरण यादवबाट दिइएको सुझाव–शैलीका आधारमा विश्लेषकहरुले यस्तो अनुमान लगाएका हुन् । राष्ट्रपतिले विपक्षीसंग सहमति जुटाएर मात्र बजेट ल्याउन सरकारलाई सुझाव दिंदै अन्यथा आफू बजेट अनुमोदन गर्न असमर्थ हुने संकेत गर्नुभएको बताइन्छ । विपक्षी दलहरुबाट विरोध भएपनि पूर्ण बजेट ल्याउन सरकार तल्लीन देखिएपछि राष्ट्रपति यादवले सहमति गरी बजेट ल्याउन सुझाव दिनुभएको हो । उपप्रधानमन्त्री विजय गच्छदारलाई राष्ट्रपति यादवले बजेटका कारण दलहरुबीच मतभेद आउन नहुनेतर्फ ध्यानाकर्षण गराउनुभएको थियो भने भेटमा राजनीतिक गतिरोध अन्त्यका लागिसमेत राष्ट्रपतिले आग्रह गर्नुभएको बुझिएको छ । उपप्रधानमन्त्री गच्छेदारलेचाहिं पूर्ण बजेट नल्याए मुलुक नै बरबाद हुने तर्क गर्दै सहमतिमै पूर्ण बजेट ल्याउन पहल भइरहेको जवाफ दिएका थिए ।

प्रतिक्रिया
सम्बन्धित खवर

लण्डन । कोरोना संक्रमणले तीन साताभित्र विदेशमा पछिल्ला तीन साताभित्र थप ३९ जना नेपालीको निधन भएको छ । गैरआवासीय नेपाली

काठमाडौँ । नेकपा एमालेका अध्यक्ष केपी शर्मा ओलीले माधवकुमार नेपाललगायतलाई पार्टीमा कुनै ठाउँ नभएको बताएका छन् । काठमाडौँ जिल्ला कमिटीको

काठमाडौं । जनता समाजवादी पार्टी (जसपा)को संसदीय दलको नेतामा उपेन्द्र यादव चयन हुनुभएको छ । सो पार्टीले नेता नवराज सुवेदीको

काठमाडौं । मदन पुरस्कार २०७७ को प्रारम्भिक सूचीमा ९ वटा पुस्तक परेका छन् । मदन पुरस्कार गुठीले शुक्रबार ९ वटा