विमानस्थलको व्यवस्थापन भारतलाई सुम्पन लागेकोमा बामदलहरुको विरोध

२२ असार २०६९, शुक्रबार १०:१४ मा प्रकाशित


काठमाडौं, २२ असार । त्रिभुवन अन्तर्राष्ट्रिय विमानस्थलको व्यवस्थापन भारतीय कम्पनीलाई दिने सरकारको तयारीको बिरोधले व्यापकता पउंदै गएको छ । यस विषयमा नेकपा एमाले, माले र माले (समाजवादी)ले पनि विज्ञप्ति प्रकाशित गरी सुरक्षामा आंच पुग्ने भएकोले विमानस्थलको व्यवस्थापन विदेशी कम्पनीका हातमा सुम्पन नहुने भन्दै विरोध गरेका छन् ।
नेपाल सरकारको तर्फबाट भारतीय कम्पनीसंग गरिएको समझदारी पत्र अविलम्ब सार्वजनिक गर्न माग गर्दै एमालेका सचिव विष्णु पौडेलद्वारा जारी विज्ञप्तिमा भनिएको छ– राष्ट्रिय हित एवं सुरक्षा संवेदनशीलतालाई उपेक्षा गर्दै अपारदर्शी तरिकाले देशकै एकमात्र अन्तर्राष्ट«िय विमानस्थलको व्यवस्थापन जिम्मा विदेशी कम्पनीलाई दिने काम चलाउ सरकारको तयारीप्रति घोर विरोध गर्दछ ।
मालेका महासचिव सीपी मैनालीले पनि सरकारको तयारी राष्ट्रघाती भएको भन्दै अति संवेदनशील अन्तर्राष्ट्रिय विमानस्थलजस्तो महत्वपूर्ण स्थल विदेशी कम्पनीलाई दिंदा मुलुकको राष्ट्रिय सुरक्षा, सार्वभौमिकता, राष्ट्रिय अखण्डता र स्वतन्त्रता समेत हनन हुने भएकाले उक्त निर्णय तुरुन्त फिर्ता लिन माग गरेका छन् । यस्तै, माले समाजवादीले सरकारको उक्त कदमलाई गैरजिम्मेवारीका साथै राष्ट्रघाती भनेको छ । उक्त पार्टीका जगतबहादुर बोगटीद्वारा जारी विज्ञप्तिमा मुलुकको एकमात्र अन्तर्राष्ट्रिय विमानस्थलजस्तो अति संवेदनशील निकायको व्यवस्थापनको जिम्मा यसरी विदेशी कम्पनीलाई सुम्पने निर्णयले देशको सर्वभौमसत्ता, अखण्डता र स्वतन्त्रतामाथि ठाडो हस्तक्षेप हुने निश्चित छ भनिएको छ ।

प्रतिक्रिया
सम्बन्धित खवर

रामेछाप । रामेछापको सुनापातीमा यात्रु बाहक बस लुभुखोलामा दुर्घटनामा परेको छ ।  दुर्घटनामा  कम्तिमा ९ जनाको मृत्यु भएको प्रहरीले जनाएको छ । उद्धारकार्य जारी रहेकाले

काठमाडौं।उपत्यकाको सुरक्षा केन्द्र सरकार मातहत राख्ने विषयमा दलहरू विभाजित भएका छन् । सिंहदरवारस्थित राज्य व्यवस्था तथा सुशासन समितिको सभाकक्षा सोमबार भएको

रोम।इटालीले झण्डै ७० वर्षयताकै सबैभन्दा खराब खडेरीको सामना गरिरहेको छ । खडेरीपछि सरकारले पो नदी वरपरका धेरै क्षेत्रमा आपतकालीन अवस्था

काठमाडौं । रुसी राष्ट्रपति भ्लादिमिर पुटिनले युक्रेनको लिसेचान्स्क सहर कब्जा गरेपछि आफ्ना रक्षामन्त्रीलाई युक्रेनमा आक्रमण जारी राख्न आदेश दिएका छन्।