वृद्धआश्रममा आगलागी १७ जनाको मृत्यु

१७ जेष्ठ २०७३, सोमबार ००:०९ मा प्रकाशित

किभ, १६ जेठ । युक्रेनको राजधानी किभको बाहिरी इलाकामा रहेको एक वृद्धआश्रममा आइतबार बिहान सवेरै भएको आगलागीमा परी १७ व्यक्तिको मृत्यु भएको छ ।

सो आगलागी भएको स्थानबाट १७ व्यक्तिको शव निकालिएको युक्रेनको राज्य सङ्कटकालीन सेवाका प्रमु्ख माइकोला चेचेत्कीनले जानकारी दिनु भएको छ ।

राजधानी किभबाट ५० किलोमिटर उत्तरमा रहेको लिटोच्की गाउँमा अस्थायी दुई तले सो वृद्धआश्रमका आगलागी भएको जनाइएको छ ।

आइतबार बिहान सबेरै भएको यस आगलागीको समयमा सो आश्रममा ३५ व्यक्ति बसोवास गर्दै आएका र ती मध्ये १८ जनाभने उद्धार गरिएको जनाइएको छ ।

उद्धार गरिएका ती व्यक्तिहरुमा पाँच जनाभने उपचारार्थ अस्पताल लगिएको बताइएको छ । युक्रेनमा बर्षेनी यस्तै घटनामा सयौं व्यक्तिले ज्यान गुमाउने गरेका छन् ।

आगलागीको कारण अनुसन्धानरत रहेको बताइएको छ । (एएफपी)

प्रतिक्रिया
सम्बन्धित खवर

विश्वभर कोरोना संक्रमणका कारण ज्यान गुमाउनेको संख्या ३० लाख २३ हजार नाघेको छ । संक्रमित हुनेको संख्या पनि १४ करोड

नयाँ दिल्ली । भारतमा कोरोना भाइरसको महामारी अति भयावह बन्दै गएको छ र संक्रमण तथा मृत्युदर तीव्र गतिमा बढिरहेको छ

साउदी अरबले तीन उच्च सैनिकलाई ‘देशद्रोह’ गरेको आरोपमा मृत्युदण्ड दिएको यहाँको रक्षा मन्त्रालयले बताएको छ । मन्त्रालयले राज्य सञ्चालित समाचार

म्यानमारमा सैनिक कु विरुद्धमा जारी प्रदर्शनका क्रममा थप ८० जनाको मृत्यु भएको छ । म्यानमारको बागो शहरमा भएको प्रदर्शनमा सो