लुम्बिनीमा सुआन चाङको मूर्ती राखिने

२३ बैशाख २०७३, बिहीबार २०:०८ मा प्रकाशित

सियान, चीन, २३ वैशाख । भगवान गौतम बुद्धको जन्मस्थल लुम्बिनीमा चीनका वरिष्ठ बौद्ध भिक्षु एवम् बौद्ध दर्शनसम्बन्धी दार्शनिक सुआन चाङको मुर्ति राखिने भएको छ ।

सुआन चाङ् चीनका ठूला बौद्ध भिक्षु हुनुहुन्थ्यो र उहाँ सयौँ वर्ष पहिले नेपालको लुम्बिनीमा पुगेर गौतम बुद्धको बारेमा अध्ययन गर्नुभएको थियो ।

उहाँले नै नेपालबाट फर्किएपछि चीनमा बौद्ध धर्मको प्रचार र विस्तार गर्नुभएको विश्वास गरिन्छ ।

चीनको हेनानमा सन् ६०२ मा जन्मिएका चाङ् चीनमा बौद्ध धर्मदर्शनका ठूला बिद्वान हुनुहुन्थ्यो । उहाँले बौद्ध धर्मदर्शनको अध्ययन र खोजका क्रममा नेपाल र भारतका विभिन्न क्षेत्रको भ्रमण गर्नुभएको थियो ।

उहाँको यो योगदानको कदरस्वरुप नेपालमा हुन गइरहेको अन्तर्राष्ट्रिय बौद्ध सम्मेलनको अवसर पारेर उहाँको मुर्ती स्थापना गरिने भएको जानकारी चीनको युनिभर्सिटी अफ सियानका प्राध्यापक डा.राजिव कुमार झाले दिनुभयो ।

नेपालले आगामी जेठ ८ गते परेको गौतम बुद्धको जन्म जयन्तीको अवसरलाई जेठ ६ देखि ८ गतेसम्म तीन दिन अन्तर्राष्ट्रिय बौद्ध सम्मेलनका रुपमा मनाउने तयारी गरिरहेको छ ।

उहाँले भन्नुभयो– यस विषयमा प्रधानममन्त्री केपी शर्मा ओलीको चीन भ्रमणका क्रममा निर्णय भइसकेको छ र उक्त मुर्तीको स्थानाका लागि चीन सरकारका तर्फबाट पनि उच्च पदस्थ अधिकारीको सहभागिता हुनसक्ने छ ।

चिनियाँ सहर सियान र नेपालको काठमाडौं भगिनी सहर (सिस्टर सिटी) हुन् र प्रा डा. झा उक्त सहरका सद्भावना दूत पनि हुनुहुन्छ । प्रधानमन्त्री ओलीको चीन भ्रमणका क्रममा उहाँलाई दूतमा नियुक्त गरिएको थियो ।

उक्त बौद्ध सम्मेलनमा चीनको सान्सी प्रान्तका उप गभर्नर यायो यिङ्लियान नेपाल जाने र सोही अवसरमा लुम्बिनीमा सुआन चाङको मुर्ती स्थापना गरिने कार्यक्रम तय भएको जानकारी डा. झाले दिनुभयो ।

यस सम्मेलनमा चीनबाट बौद्ध भिक्षु, बौद्धधर्म र दर्शनक विशिष्ठ व्यक्तित्व र सरकारबाट पनि उच्चस्तरीय प्रतिनिधित्वका लागि डा झाले सान्सी प्रान्तका साथै सियान नगर र अन्य छिमेकी प्रान्तमा स्थानीय पत्रपत्रिकामार्फत प्रतार प्रसार गर्नुभएको छ ।

उहाँले भन्नुभयो– चीन सरकारका तर्फबाट उच्चस्तरीय प्रतिनिधित्व हुने भएको छ तर अहिले नै नाम सार्वजनिक गर्न भने मिल्दैन । रासस

प्रतिक्रिया
सम्बन्धित खवर

काठमाडौ । सरकारले शहरी क्षेत्रका विद्यालयहरु आगामी वैशाख मसान्तसम्म बन्द गर्न सिफारिस गरेको छ । कोभिड – १९ व्यवस्थापन केन्द्र

काठमाडौँ। प्रधानमन्त्री केपी शर्मा ओलीले कोरोना भाइरस (कोभिड–१९) को समस्या समाधानका लागि सबै दलसँग सहयोगको आग्रह गरेका छन् । प्रधानमन्त्री

काठमाडौं । प्रधानमन्त्री केपी शर्मा ओलीले शनिवार बोलाएको सर्वदलीय बैठकमा माओवादी केन्द्रका अध्यक्ष पुष्पकमल दाहाल प्रचण्ड नजाने भएका छन् ।

काभ्रेपलाञ्चोक । जिल्लाको पुराना तीन नगर बनेपा, धुलिखेल र पनौती ‘काभ्रे’ स्मार्ट सिटीका नामले परिचित हुन संरचना निर्माण प्रक्रियालाई तीव्रता