भुकम्प पिडितलाई एकमुष्ट राहतको माग गर्दै भ्रष्टाचार र कालोबजारी बिरुद्ध काँग्रेसले संसद घेर्ने

२१ बैशाख २०७३, मंगलवार २१:२६ मा प्रकाशित

काठमाडौँ, २१ वैशाख । प्रमुख प्रतिपक्षी दल नेपाली काँग्रेस संसदीय दलको बैठकले सरकारका असफलता र जनताले भोग्नुपरेको दुःख कष्टका बारेमा संसदमा आवाज उठाउने भएको छ ।

काँग्रेस संसदीय दलको आज व्यवस्थापिका–संसद् भवन नयाँ बानेश्वरमा बसेको बैठकले संसद्मा सरकार परिवर्तनभन्दा पनि जनताले भोग्नुपरेको समस्याका बारेमा आवाज उठाउने निर्णय गरेको नेता महेश आचार्यले जानकारी दिए । संसद्को बर्खे अधिवेशन मङ्गलबारदेखि सुरु भएको हो ।

सरकारले जनचाहनानुसार काम गर्न नसक्दा सत्तामा रहेका अन्य दल पनि सरकारका कामकारबाहीबाट असन्तुष्ट रहेको निष्कर्ष निकाल्दै काँग्रेसले सरकारको विकल्पका रुपमा भने तयार रहेको जनाएको छ ।

भूकम्पपीडितका लागि विनियोजन भएको रकमको अत्यन्त सानो हिस्सा मात्र खर्च भएको र आउँदो वर्षा याम पनि भूकम्पपीडितको पालमुनि नै बास हुने भन्दै काँग्रेसले युद्धस्तरमा पुनःनिर्माणको काम गर्न सरकारको ध्यानाकर्षण गराएको छ ।

बैठकले आन्दोलनरत मधेसकेन्द्रित दलसँग वार्ता गरी संविधान कार्यान्वयन गर्न सरकार उदासीन रहेको निष्कर्ष निकाल्दै ती दलसँग संवाद गरी समस्या समाधान गर्न अग्रसरता लिने जानकारी नेता आचार्यले दिनुभयो ।

काँग्रेसले नाकाबन्दी हटेको लामो समय भइसक्दा पनि मुलुकमा खाद्य सामग्री र इन्धनको कृत्रिम अभाव कायम रहँदा सरकार मौन बसेको भन्दै त्यसलाई नियन्त्रण गर्न माग गरेको छ ।

चालु आवको नौ महिनामा १८ प्रतिशतमात्र पुँजीगत खर्च भएको भन्दै काँग्रेसले विकास निर्माणका काम प्रभावकारी रुपमा अघि बढाउन सरकारको ध्यानाकर्षण गराएको छ ।

यस्तै मुलुकभर देखिएको खडेरीका साथै जङ्गलमा डढेलो नियन्त्रण हुन नसकेको तथा त्यसबाट मानवीय तथा भौतिक क्षति पुगेको प्रति ध्यानाकर्षण गराउँदै डढेलो नियन्त्रण गर्न र पीडितलाई उचित राहत दिन सरकारसँग आग्रह गरिएको छ ।

प्रतिक्रिया
सम्बन्धित खवर

काठमाडौं। सभामुख अग्नि सापकोटाविरुद्ध परेको मुद्दामा सर्वोच्च अदालतको संवैधानिक इजलासले बुधबार सुनुवाइ गरेन ।प्रधानन्यायाधीश चोलेन्द्र शमशेर जबरा नेतृत्वको संवैधानिक इजलासमा

काठमाडौँ । नेकपा माओवादी केन्द्रले एमाले अध्यक्ष समेत रहेका प्रधानमन्त्री केपी शर्मा ओली नेतृत्वको सरकारलाई दिँदै आएको समर्थन फिर्ताको निर्णय

काठमाडौं । नेपाली काँग्रेसले केही दिनमै केपी ओली नेतृत्वको सरकार विस्थापित हुने दावी गरेको छ । माओवादी केन्द्र र जसपासँगको

काठमाडौं । नक्कली पीसीआर रिपोर्ट लिएर विदेश उड्न लागेका ११२ जना यात्रुलाई विमानस्थलबाट फर्काइएको छ । विभिन्‍न देशमा जानका लागि