पत्रकार दीक्षितलाई रिहा गर्न सर्वोच्चको आदेश

काठमाडौ, २० बैशाख । भ्रष्टाचारको अभियोगमा सर्वोच्च अदालतले नियन्त्रणमा लिएका साझा यातायातका अध्यक्ष एवम पत्रकार कनकमणि दिक्षितलाई रिहा गर्न सर्वोच्च अदालतले आदेश दिएको छ ।

पत्रकार दिक्षितकी पन्ति शान्ता दिक्षितले दायर गरेको बन्दीप्रत्यक्षीकरण रिटमा सुनुवाइ गर्दै कायममुकायम न्यायाधीश सुशीला कार्की र न्यायाधीश जगदीश शर्मा पौडेलको संयूक्त इजलासले उनलाई रिहाइ गर्न आदेश दिएको हो ।
गत १० गते अख्तियारले पक्राउ गरेर नियन्त्रणमा राखेको दिक्षितलाई विशेष अदालतले १२ गते पक्राउ परेको म्यादबाट दश दिन थुनामा राख्न आदेश दिएको थियो । सो समय आजै सकिएको थियो ।
अख्तियारले पक्राउ गरेपछि एक दिन गौशालाको हिरासतमा रहे पनि भोली पल्टदेखि उनी उपचारको नाममा बीर अस्पतालको आईसीयूमा रहँदै आएका थिए ।