दार्चुलामा भएको दुर्घटनामा ८ जनाको मृत्यु

काठमाडौ, १९ असार । दार्चुलाको ग्वानीमा भएको यात्रुबाहक बस दुर्घटनामा ८ जनाको मृत्यु भएको छ । धनगढीबाट दार्चुला जादै गरेको ना ४ ख ६६०८ नम्बरको बस आज बिहान ५ बजे ग्वानी गाविसको बगौरामा दुर्घटना हुँदा ८ जनाको मृत्यु भएको जिल्ला प्रहरी कार्यालय दार्चुलाले जनाएको छ । बस दुर्घटनामा मृत्यू भएका मध्ये सर्मोला गाविस घर भएका एमाले जिल्ला सदस्य लक्ष्मी दत्त जोसी र ग्वानीका धवलसिह धामीको सनाखत भएको छ ।  दुर्घटनामा अन्य ३० जना घाईते भएका छन् । जसमध्ये १५ जनाको अवस्था गंभिर रहेको छ ।  घाइतेको स्थानीय स्वास्थ्य संस्थाहरुमा उपचार भइरहेको छ भने गम्भीर घाइतेलाई अन्यत्रै लैजाने तयारी भइरहेको छ ।