बोआओ फोरमलाई प्रम ओलीको सम्बोधन

११ चैत्र २०७२, बिहीबार २२:१४ मा प्रकाशित

काठमाडौँ, ११ चैत । प्रधानमन्त्री केपी शर्मा ओलीले विश्व अर्थतन्त्रको नेतृत्वकर्ताको रुपमा उदय भइरहेको एसिया एक्काइसौं शताब्दीको परिवर्तित विश्व संरचनाको केन्द्रभागमा आइपुगेको बताउनुभएको छ ।

बोआओ फोरमलाई आज सम्बोधन गर्दै उहाँले विश्व अर्थतन्त्रलाई थप मजबुत बनाउन विश्व समुदायले आज एसियाको आर्थिक गतिविधिलाई नियालिरहेको छ भन्नुभयो ।

“एसियाली मुलुकहरुले अर्थतन्त्रमा गरेको अभूतपूर्व प्रगतिले एसियाको विशाल सम्भावनालाई औंल्याईदिएको छ” – उहाँले भन्नुभयो ।

नयाँ खोज र प्रविधिले विकासका नयाँ ढोकाहरु खोलिरहेको बताउँदै उहाँले भन्नुभयो – यस्ता नवीन खोजले मानवको हित सम्बद्र्धन गर्नुपर्छ । हरेक राष्ट्रलाई बेरोकटोक प्रविधिमाथिको पहुँच हुनुपर्छ ।

“एसियालाई समृद्ध बनाउन हाम्रा प्रयासले सहयोगको यस्तो ढाँचा तयार गर्नुपर्दछ जसले अवसर र लाभलाई समान रुपले वितरण गर्नेछ” – उहाँले थप्नुभयो ।

सामूहिक प्रयत्न र सहयोगका अवसरहरुको खोजीले मात्रै ज्ञानको स्वतन्त्र प्रवाह, निर्वाध व्यापार र सबैले जित्ने अवसर सिर्जना गर्ने विश्वास पनि प्रधानमन्त्री ओली व्यक्त गर्नुभयो । एसियाले तय गर्ने दूरदृष्टि समावेसी हुनुपर्ने उहाँको भनाइ थियो ।

प्रधानमन्त्री ओलीले शान्ति र गरिबी सँगसँगै जान नसक्ने उल्लेख गर्दै एसिया निःसन्देह विश्व अर्थतन्त्रको ‘शक्तिकेन्द्र’का रुपमा उदय भइरहेको छ भन्नुभयो । एसियाको समग्र विकास र उत्थानमा सबैको साथ र सहयोग जरुरी रहेको पनि उहाँले औँल्याउनुभयो ।

कुनै पनि एसियाली मुलुकलाई पछाडि छाड्यौं भने एसियाको शान्ति र समृद्धिको सपना विफलतामा परिणत हुने बताउँदै उहाँले भन्नुभयो – “गल्ती नगरौं । विकास सहभागितामूलक हुन सकेन भने एसियाको दिगो विकास छिन्नभिन्न हुन पुग्नेछ ।”

प्रधानमन्त्री ओलीले भन्नुभयो – “एसियामा बजार विस्तार भइरहेका छन्, उद्योग व्यापार फस्टाइरहेका छन्, रोजगारी सिर्जना भइरहेको छ । एसियामा महादेश गरिबीबाट बाहिर निस्किने चरणमा पुगेको छ । तर पनि यस क्षेत्रको जनसङ्ख्याको ठूलो हिस्सा गरिबी र अभावको चङ्गुलभित्रै रहेको छ ।’’

एसियालाई नयाँ दृष्टिकोण र आयामहरुका साथ सुनौलो भविष्यतर्फ अघि बढाउने समय अहिले आएको उल्लेख गर्दै प्रधानमन्त्री ओलीले त्यसका लागि क्षेत्रीय सहयोग र सहकार्य जरुरी रहेको बताउनुभयो ।

जननिर्वाचित संविधानसभाबाट नेपालमा नयाँ संविधान जारी भएको र त्यसलाई मित्रराष्ट्रहरुबाट स्वागत गरिएकामा प्रधानमन्त्री ओलीले आभार पनि प्रकट गर्नुभयो । रासस

प्रतिक्रिया
सम्बन्धित खवर

काठमाडौँ । नेपालमा पछिल्लो २४ घण्टामा थप १ हजार ९६ जनामा कोरोना संक्रमण पुष्टि भएको छ । स्वास्थ्य तथा जनसंख्या

काठमाडौँ। नेकपा माओवादी केन्द्रले स्थायी कमिटी बैठक बोलाएको छ । सोमबार दिउँसो १ बजे बैठक बोलाइएको छ । समसायिक राजनीतिक

काठमाडौँ । प्रधानमन्त्री केपी शर्मा ओलीले राष्ट्रियसभा सदस्यबाट पदमुक्त भएका नेकपा एमालेका नेता रामबहादुर थापा बादललाई गृहमन्त्रीमै पुनः नियुक्ति गर्ने

काठमाडौं । नेपाल आयल निगमले पुनः पेट्रोलियम पदार्थको मूल्य वृद्धि गरेको छ । इण्डियन आयल कर्पोरेशनबाट शुक्रबार प्राप्त मूल्य सूचीअनुसार