सरकार चाँडै परिवर्तन गर्नुपर्छः एमाले अध्यक्ष

१८ असार २०६९, सोमबार १७:४४ मा प्रकाशित


काठमाडौ, १८ असार । नेकपा एमालेका अध्यक्ष झलनाथ खनालले अहिलेको असंवैधानिक सरकार चाँडै परिवर्तन गर्नुपर्ने बताउनुभएको छ । नेकपा एमाले कोसी अञ्चलस्तरीय भेलालाई सम्बोधन गर्न विराटनगर जाने क्रममा विराटनगर विमानस्थलमा सञ्चारकर्मीसँग कुरा गर्दै अध्यक्ष खनालले राष्ट्रिय सहमतिको सरकार बनाउन एमालेले पहिलो प्राथमिकता दिएको र त्यसका लागि प्रधानमन्त्रीले राजीनामा दिएमा मात्र सहमति हुने धारणा राख्नुभयो । पूर्व प्रधानमन्त्री खनालले प्रधानमन्त्री डा. भट्टराईको पछिल्लो अभिव्यक्तिले दलहरुबीच विश्वासको वातावरणमा खल्बलिएकाले अब दलहरुबीच नयाँ ढङ्गले अगाडि बढ्नुपर्नेमा जोड दिनुभयो । अध्यक्ष खनालले अब बन्ने सहमतीय सरकारको नेतृत्व गैरमाओवादीले गर्ने दाबी गर्नुभयो ।
यसैबीच भेलामा सहभागी हुन विराटनगरमा पुग्नुभएका नेता केपी शर्मा ओलीले संविधानसभा नभएको बेला राजीनामा दिएको प्रधानमन्त्रीलाई हटाउन एमालेले कुनै आन्दोलन नगर्ने बताउनुभएको छ । नेता ओलीले राजनीतिक सहमतिमा वर्तमान सरकार हट्नुको विकल्प नभएको पनि बताउनुभयो । उहाँले यो सरकार काम चलाउ मात्र भएकोले पूर्ण बजेट ल्याउन राजनीतिक दलहरुबीच सहमति कायम हुनुपर्छ अन्यथा दलहरुको बजेटमा कुनै समर्थन हँुदैन भन्नुभयो ।

प्रतिक्रिया
सम्बन्धित खवर

काठमाडौं । अर्थमन्त्री विष्णुप्रसाद पौडेलले गैरआवसिय नेपालीहरुलाई नेपालमा पूँजीसँगै सिप र प्रविधि पनि भित्राउन आग्रह गरेका छन् । अर्थ मन्त्रालय

काठमाडौँ । नेकपा माओवादी केन्द्रको स्थायी कमिटी बैठक आज बस्दैछ। बैठक पार्टी केन्द्रीय कार्यालय पेरिसडाँडामा दिउँसो १ बजे बोलाइएको हो

पाल्पा । पाल्पाको निस्दी गाउँपालिका वडा नं. ४ पिपलभन्ज्याङमा भएको जीप दुर्घटनामा ७ जना घाइते भएका छन् । घाईतेमध्ये २

काठमाडौं । नेकपा एमालेका वरिष्ठ नेता माधवकुमार नेपाल इतिहासकै कठिन परिस्थितिको सामना गर्नुपर्ने अवस्थामा पुगेका छन् । उनलाई साथ दिइरहेका