अध्यादेशमार्फत् ल्याउने बजेट नदिने काङ्ग्रेस सभापतिको अडान

१८ असार २०६९, सोमबार १४:४६ मा प्रकाशित


काठमाडौ, १८ असार । नेपाली काङ्ग्रेसका नेताहरुले चुनाव घोषणा गरिसकेको कामचलाउ सरकारले अध्यादेशमार्फत् ल्याउने बजेट कुनै हालतमा नमान्ने बताएका छन् । उनीहरुले संविधानसभा भङ्ग हुनुमा एकीकृत माओवादी र मधेसी मोर्चाको गठबन्धन सरकार नै पूर्णरुपमा दोषी रहेको भन्दै प्रधानमन्त्री डा. बाबुराम भट्टराईले राजीनामा दिएर राष्ट्रिय सहमतिको सरकार निर्माणका लागि मार्गप्रशस्त गर्नुपर्ने बताएका छन् । गिरिजाप्रसाद कोइरालाको ८९ औँ जन्मजयन्तीका अवसरमा काङ्ग्रेस काठमाडौँले  आज राजधानीमा गरेको कार्यक्रमका वक्ताहरुले माओवादीको सत्ताकब्जा, सत्तालिप्सा र सत्तामोह अब कुहिएको फर्सीजस्तो भएकाले अब त्यो छानाबाट झर्नमात्र बाँकी रहेको बताएका छन् ।
संविधानसभाको अवसान र शान्ति प्रक्रियाको भावी कार्यदिशा विषयक गोष्ठीमा काङ्ग्रेस सभापति सुशील कोइरालाले संविधानमा समेत सहमतिबाटै राजनीतिक निकास खोज्नुपर्ने भनेकामा माओवादीले एकलौटी ढङ्गले चुनाव घोषणा गरेर अलोकतान्त्रिक काम गरेको बताउनुभयो । उहाँले सहमतिबिना अध्यादेशमार्फत ल्याउन खोजेको पूर्णबजेट कुनै हालतमा स्वीकार नगरिने पनि बताउनुभयो ।
महामन्त्री प्रकाशमान सिंहले माओवादी मोर्चाको कारण परिणामविहीन भएर संविधानसभाको अवसान भएको र प्रधानमन्त्री डा बाबुराम भट्टराईको अलोकतान्त्रिक कदमका कारण संवैधानिक सङ्कट आएको बताउनुभयो । अर्का महामन्त्री कृष्णप्रसाद सिटौलाले प्रधानमन्त्री डा बाबुराम भट्टराई संविधानसभा बचाउनभन्दा कुर्सी बचाउन लागेकै कारण सङ्कट भित्रिएको बताउँदै माओवादीको सत्ताकब्जा र सत्तामोह धेरै दिन नटिक्ने दाबी गर्नुभयो ।

प्रतिक्रिया
सम्बन्धित खवर

कोरोना भाइरसको सङ्क्रमण आज एकै दिन तीन हजार ९३८ जनामा देखिएको छ । स्वास्थ्य तथा जनसङ्ख्या मन्त्रालयले सार्वजनिक गरेको तथ्याङ्कअनुसार

काठमाडौं । तीन साता बितिसक्दा पनि प्रधानमन्त्री शेरबहादुर देउवाले मन्त्रिपरिषदलाई पूर्णता दिन सकेका छैन । मन्त्रालयको टुंगो लाग्नु त परैजाओस्

काठमाडौं । नेपाल कम्युनिष्ट पार्टी (एमाले) माधव समूहको केन्द्रीय सदस्यहरुको बैठक जारी छ । काठमाडौंको बुद्धनगरस्थित एक पार्टी प्यालेसमा बसिरहेको

काठमाडौं । संयुक्त अरब इमिरेट्स (युएई) ले कोरोनाविरुद्धको खोप लगाएका नेपालीलाई प्रवेश खुला गरेको छ । युएईले आजदेखि लागू हुने