एकीकृत माओवादी र मधेसी मोर्चा संविधान र बजेटमा समान धारणा बनाएर अघि बढ्ने

१८ असार २०६९, सोमबार १४:४४ मा प्रकाशित


काठमाडौ, १८ असार । सत्तारुढ एकीकृत नेकपा माओवादी र संयुक्त लोकतान्त्रिक मधेसी मोर्चा संविधान निर्माण, बजेटलगायतका विषयमा समान धारणा बनाएर अगाडि बढ्न सहमत भएका छन् । प्रधानमन्त्री निवास बालुवाटारमा बसेको बैठकले संविधान निर्माण, नयाँ बजेट, निर्वाचनलगायतका विषयमा प्रतिपक्षी दलहरुलाई सहमतिमा आएर प्याकेजकै आधारमा निकास निकाल्न तयार भए मात्रै समस्याको समाधान हुने निष्कर्ष निकालेको छ । बैठकपछि सञ्चारकर्मीहरुसँग कुरा गर्दै मधेसी जनअधिकार फोरम गणतान्त्रिकका कार्यवाहक अध्यक्ष एवम् सूचना तथा सञ्चारमन्त्री राजकिशोर यादवले विवादित सबै विषयमा सहमति खोज्न प्रतिपक्षी दलहरुलाई आग्रह गर्ने निर्णय भएको जानकारी दिनुभयो । संविधानसभा विघटन भएपछिको अवस्थामा सरकारले मङ्सिर ७ गते घोषणा गरेको निर्वाचनलाई सफल बनाउन लाग्नुपर्नेमा जोड दिइएको थियो । संविधान निर्माणका लागि सहमति खोजेर अगाडि बढ्नुपर्ने, पहिचानसहितको सङ्घीयतामा नेपाली काङ्ग्रेस र नेकपा एमाले  तयार भएमात्रै संविधानसभाको पुनः स्थापना हुनसक्ने विषयमा पनि छलफल भएको मन्त्री यादवले जानकारी दिनुभयो ।

प्रतिक्रिया
सम्बन्धित खवर

काठमाडौँ । पहिरोका कारण सिद्धार्थ राजमार्ग र तानसेन-तम्घास सडक अवरुद्ध भएको छ । सिद्धार्थ राजमार्गका धेरै ठाउँमा पहिरो खसेको र

नवलपरासी । नवलपुर (नवलपरासी पूर्व) को मध्यविन्दु नगरपालिका-१० मा पर्ने तीन वटा खहरेखोलाको डाइभर्सन बाढीले बगाएपछि पूर्व-पश्चिम राजमार्ग अवरुद्ध भएको

बागलुङ । निरन्तरको वर्षाका कारण बागलुङका दुई ठूला राजमार्ग अवरुद्ध भएका छन् । राष्ट्रिय गौरवको आयोजनाका रूपमा रहेको मध्यपहाडी पुष्पलाल

चितवन । विकास गतिमा तीव्ररुपमा अघि बढिरहेको भरतपुर महानगरपालिकामा योजना लिएर गएपछि रित्तो हात फर्किनु पर्दैन । महानगरभित्रका वडाध्यक्षहरू योजना

आजको प्रमुख समाचार