लागुपदार्थ तस्कर पक्राउ

१७ असार २०६९, आईतवार १८:३७ मा प्रकाशित


काठमाडौं, १७ असार ।
लागू औषध नियन्त्रण कानून कार्यान्वयन इकाई नयां बानेश्वरबाट खटिएको अप्रेशन समूहले ठुलो परिमाणमा नियन्त्रित लागूऔषध तथा सो कार्यमा संलग्न चारजनालाई पक्राउ गरेको छ । मकवानपुरको टिष्टुङ्ग पालुङ्ग गाविस–४ शिखरकोटका २२ वर्षीय आशिक गोतामे र टिष्टुङ्ग पालुङ्ग गाविस–८ गैरीगाँउका २० वर्षीय हरेराम कार्कीलाई ना.४ ख २९० नम्बरको ट्रकमा चालकको सिटपछाडिको लामो सिटमुनी लुकाइछिपाई राखेको अवस्थामा नियन्त्रित लागूऔषध बुपे्रनर्फिन एम्पुल ५ हजार २ सय पिस, डाइजेपाम एम्पुल ५ हजार २ सय पिससहित काठमाडौं महानगरपालिका–१४ कलंकीबाट पक्राउ गरिएको हो ।
यसैगरी अपरेशन समूहले मकवानपुर जिल्ला टिष्टुङ्ग पालुङ्ग गाविस–४ सोल्टु अंगरे घर बताउने ४६ वर्षीय रमेश शिवभक्तिलाई नियन्त्रित लागूऔषध बुप्रेनर्फिन एम्पुल १ हजार ५ सय पिस र डाइजेपाम एम्पुल १ हजार ५ सय पिससहित काठमाडौं महानगरपालिका–१० शंखमुलबाट पक्राउ गरेको छ भने काभ्रेपलाञ्चोक जिल्ला गोकुले गाविस–७ का २६ वर्षीय कान्छामान वाईवालाई बा.३ ख. ११०६ नम्बरको माइक्रोबसभित्र यात्रुहरु बस्ने पछाडिको सिटमुनी लुकाई राखेको अवस्थामा नियन्त्रित लागूऔषध बुपे्रनर्फिन एम्पुल १ हजार ५ सय पिस र डाइजेपाम एम्पुल १ हजार ५ सय पिससहित काठमाडौं महानगरपालिका–३५ कोटेश्वर बालकुमारी पुल नजिकबाट सोही अपरेशन समूहले पक्राउ गरेको छ ।
कान्छामान वाईवाले लामो समयदेखि विभिन्न भाडाका सवारी साधन प्रयोग गरी नियन्त्रित लागूऔषध पटक–पटक रक्सौलबाट उपत्यकामा ल्याई विक्री वितरण गर्दै आइरहेको प्रारम्भिक अनुसन्धानबाट खुलेको प्रहरीले जनाएको छ ।
यसैगरी काठमाडौं महानगरपालिका बागबजारस्थित टुकुचा तरकारीबजारबाट दोलखा घर भएका २७ बर्षीय बिक्रम श्रेष्ठ र सुनसरी ईटहरी घर भएकी २४ बर्षीया सरीता क्षेत्रीलाई अन्दाजी ४ सय ग्राम गाँजा सहित प्रहरीले पक्राउ गरेको छ ।

प्रतिक्रिया
सम्बन्धित खवर

काठमाडौं । कांग्रेस नेता डा.शेखर कोइराला निकट नेताहरूको भेला सुरु भएको छ । केही बेरअघि बत्तीसपुतलीस्थित अनुपम फुडल्यान्डमा कोइराला पक्षीय

काठमाडौं । निर्वाचन आयोगले आगामी प्रदेश तथा प्रतिनिधि सभा निर्वाचनमा विद्युतिय मतदान यन्त्र (इभीएम) प्रयोग गर्ने भए साउन मसान्तसम्म व्यवस्था

काठमाडौँ । त्रिभुवन अन्तर्राष्ट्रिय विमानस्थल (टिआइए) भएर थप दुई अन्तर्राष्ट्रिय एयरलाइन्सले नियमित उडान गर्ने भएका छन् । थाइल्याण्डको थाई स्माइल

काठमाडौँ । चालु आर्थिक वर्ष सकिन अब १६ दिन बाँकी छ । सरकारले चालु आवमा रु तीन खर्ब ७८ अर्ब नौ