जहाज दुर्घटनामा परेका २३ जनाकै शव फेला

१३ फाल्गुन २०७२, बिहीबार २१:५७ मा प्रकाशित

म्याग्दी, १३ फागुन । दाना–२ सोलीघोप्टेमा बुधबार तारा एयरको जहाज दुर्घटनामा परी ज्यान गुमाएका २३ जनाकै शव फेला परेको छ ।

घटनास्थलमा उद्धार सामग्री सहित पुगेका नेपाल प्रहरी, नेपाली सेना र सशत्र प्रहरीको टोलीले दुर्घटनामा परेको उक्त जहाजमा सवार सबैको शव सङ्कलन गरी पोखरा पठाएको जिल्ला प्रहरी कार्यालयले जनाएको छ । दुर्घटनास्थलबाट शव सङ्कलन गरी २० शव एयर डाइनेस्टीको हेलिकप्टरमार्फत पोखरा पठाइएको प्रजिअ सागरमणि पाठकले जानकारी दिनुभयो । उहाँका अनुसार दुर्घटनामा परेका मुस्ताङका तीन जनाको शवलाई भने यहाँबाट सिधै मुस्ताङ लैजाने तयारी भइरहेको छ ।

मौसम सफा रहेकाले घटनास्थलबाट शव सङ्कलन गर्न सजिलो भएको प्रहरी नायब उपरीक्षक विश्वराज खड्काले बताउनुभयो । दुर्घटनास्थलबाट शव केही तलसम्म झारेर हेलिकप्टर मार्फत दाना हुँदै पोखरा पुर्याइएको हो ।

भौगोलिक रुपमा विकट उक्त स्थानमा बुधबार दिनभर हुस्सु र सामान्य वर्षा भएकाले घटनास्थल पहिचान भए पनि अन्य काम हुन सकेको थिएन । पोखराबाट जोमसोमका लागि उडेको चालक दलका तीन सहित २३ जना सवार तारा एयरको ट्विनअटर विमान बुधबार बिहान सोलीघोप्टेको पहाडमा ठोक्किएर दुर्घटना भएको थियो । रासस

प्रतिक्रिया
सम्बन्धित खवर

खोटाङ । जन्तेढुङ्गा गाउँपालिका–५ चिसापानीका ३७ वर्षीय विज्ञान कोइरालालाई बेपत्ता भएको १९ वर्षपछि घर फर्काइएको छ । नेपालगञ्जमा भेटिनुभएका विज्ञानलाई

काठमाडौँ । नेकपा माओवादी केन्द्रका अध्यक्ष पुष्पकमल दाहाल (प्रचण्ड)ले सरकारको नेतृत्व गर्नेहरु राष्ट्रिय हित विपरीतका गतिविधिमा लागेको आरोप लगाएका छन्

काठमाडौं । प्रधानमन्त्री केपी शर्मा ओली र जनता समाजवादी पार्टीका अध्यक्ष महन्थ ठाकुरलगायतका नेताहरुबीच छलफल भएको छ । प्रधानमन्त्री निवास

काठमाडौं । सत्ता समीकरणबारे नेपाली कांग्रेस र माओवादी केन्द्रसँग वार्ता चलिरहेका बेला जनता समाजवादी पार्टी (जसपा) का अध्यक्ष महन्थ ठाकुरले