कुरा मिले संयन्त्रमा जान्छौँः महन्त ठाकुर

८ फाल्गुन २०७२, शनिबार २२:२४ मा प्रकाशित

काठमाडौँ, ८ फागुन । तराई–मधेस लोकतान्त्रिक पार्टी (तमलोपा) का अध्यक्ष महन्थ ठाकुरले राजनीतिक संयन्त्रको कार्यविधि र क्षेत्राधिकार प्रस्ट भएमा मोर्चा त्यसमा सहभागी हुन सक्ने बताउनुभएको छ ।

आन्दोलनरत संयुक्त लोकतान्त्रिक मधेसी मोर्चाको प्रमुख घटक तमलोपा अध्यक्ष ठाकुरले समझदारीमा संयन्त्रमा जान सकिने सङ्केत गर्नुभएको हो ।

सरकारले प्रदेश सीमाङ्कन लगायत विषय टुङ्गो लगाउन गत बिहीबार ११ सदस्यीय राजनीतिक संयन्त्र गठन गर्ने निर्णय गरेको थियो । उक्त निर्णय एकतर्फी रहेको भन्दै मोर्चाले असहमति जनाउँदै आएको थियो ।

रिपोर्टर्स क्लबद्वारा आयोजित साक्षात्कारमा अध्यक्ष ठाकुरले भन्नुभयो–“राजनीतिक संयन्त्रको कतिपय कुरामा मोर्चाको समझदारी रहे पनि सरकारले एकतर्फी रुपमा संयन्त्र गठन ग¥यो । संयन्त्रको कार्यविधिबारे कुरा मिल्यो भने हामी जान्छौँ ।”

आफूहरुले वार्ता र संवादबाटै समस्या समाधान गर्न चाहेको उल्लेख गर्दै उहाँले माग सम्बोधन नभएसम्म शान्तिपूर्ण आन्दोलनका कार्यक्रमलाई निरन्तरता दिइने बताउनुभयो ।

“हामी वार्ता र संवादको प्रक्रियाबाट भागेका छैनौ । शान्तिपूर्ण आन्दोलनका कार्यक्रम जारी छ, चाँडै मोर्चाको बैठक बसेर आन्दोलनका नयाँ कार्यक्रम ल्याउछौँ,”उहाँले भन्नुभयो ।

एक प्रसङ्गमा ठाकुरले प्रधानमन्त्रीको भारत भ्रमण र भारतमा भएको सत्कार राम्रो भए पनि दुई देशबीच भएका सहमति र समझदारी सामान्य प्रकृतिको भएको टिप्पणी गर्नुभयो । रासस

प्रतिक्रिया
सम्बन्धित खवर

काठमाडौं । राष्ट्रिय जनमोर्चाले एमाले नेतृत्वको गण्डकी प्रदेश सरकारलाई दिएको समर्थन फिर्ता लिने निर्णय गरेको छ । जनमोर्चाका अध्यक्षले अध्यक्ष

काठमाडौं । आज विक्रम संवत् २०७८ साल वैशाख १ गते नयाँ वर्षको पहिलो दिन नेपालभर एकापसमा शुभकामना आदानप्रदान गरी हर्षोल्लास

काठमाडौं । भारत भ्रमणमा रहेका पूर्वराजा ज्ञानेन्द्र शाहले नयाँ वर्ष २०७८ को शुभकामना सन्देश दिएका छन् । शुभकामना सन्देशमा पूर्व

काठमाडौँ । स्वास्थ्य तथा जनसंख्या मन्त्रालयले शिक्षण संस्थाहरु एक महिना बन्द गर्न सरकारलाई सिफारिस गरेको छ। मन्त्रालयले काठमाडौँ उपत्यकासहित देशका