स्वर्ण पदक विजेता टोलीका खेलाडी, प्रशिक्षक तथा पदाधिकारीलाई सरकारले पाँच लाख दिने

५ फाल्गुन २०७२, बुधबार २३:४५ मा प्रकाशित

काठमाडौँ, ५ फागुन । १२ औं दक्षिण एसियाली खेलकुद (साग)को पुरुष फुटबलमा स्वर्ण पदक विजेता टोलीका खेलाडी, प्रशिक्षक तथा पदाधिकारीलाई सरकारले जनही रु पाँच लाख पुरस्कार दिने घोषणा गरेको छ ।

अखिल नेपाल फुटबल सङ्घ (एन्फा)द्वारा दशरथ रङ्गशालामा आज आयोजित कार्यक्रममा युवा तथा खेलकुद मन्त्री सत्यनारायण मण्डलले नगद पुरस्कारको घोषणा गर्नुभएको हो । विजेता टोलीमा २० खेलाडी र तीन पदाधिकारी छन् ।

कार्यक्रममा स्वर्ण विजेता टोलीलाई सम्मान गर्दै मन्त्रीमण्डलले खेल खेलाडीका समस्यालाई प्राथमिकतामा राखेर आफूअघि बढेको बताउँदै भन्नुभयो– “नाकाबन्दीलगायत विविध समस्याका कारण सरकारले चाहेर पनि खेलाडीलाई सुविधा दिन सकेको छैन, यसका बाबजुद खेलाडीले खुसी दिलाउने काम गरेका छन्”– उहाँले भन्नुभयो– “अब खेल क्षेत्रका समस्या हल गर्न मन्त्रिपरिषद्मा प्रस्ताव अघि बढाउँछु ।”

एन्फाका महासचिव धीरेन्द्र प्रधानले चाँडै एन्फाको कार्यसमितिको बैठक बसेर विजेता टोलीलाई उचित पुरस्कारको घोषणा गर्ने बताउनुभयो ।

विजेता टोलीका मुख्य प्रशिक्षक राजुकाजी शाक्य र कप्तान विराज महर्जनले सबै नेपाली समर्थकको मायाले सफलता मिलेको बताउँदै आगामी दिनमा अझ राम्रो गर्ने प्रतिबद्धता व्यक्त गर्नुभयो ।

यसैबीच फुटबल टोली आजै काँकडभिट्टा, भद्रपुर विमानस्थल हुँदै स्वदेश फर्किएको थियो । टोलीलाई त्रिभुवन अन्तर्राष्ट्रिय विमानस्थलमा भव्य स्वागत गरिएको छ ।

टोलीलाई विमानस्थल, गौशाला, रातोपुल, ज्ञानेश्वर, कमलपोखरी, पुतलीसडक, प्रदर्शनीमार्ग, भद्रकाली, न्युरोड गेट, वीरअस्पताल, भोटाहिटी, जमल, केशरमहल, नारायणहिटी सङ्ग्रहालय गेट, पुरानो बसपार्क, भद्रकाली, सहिद गेट, सुन्धारा हुँदै त्रिपुरेश्वरस्थित दशरथ रङ्गशाला पुर्याएर सम्मान गरिएको थियो ।

प्रतिक्रिया
सम्बन्धित खवर

मुम्बइ । १४औँ संस्करणको इन्डियन प्रिमियर लिग (आइपिएल) टी–२० क्रिकेट प्रतियोगिता अन्तर्गत आजको खेलमा दिल्ली क्यापिटल्स विजयी भएको छ ।

नयाँदिल्ली । १४औँ संस्करणको इन्डियन प्रिमियर लिग (आइपिएल) मा रोयल च्यालेञ्जर्स बैंगलोरले विजयी सुरुवात गरेको छ । शुक्रबार भएको उद्घाटन

विश्वकै सर्वाधिक लोकप्रिय क्रिकेट लिग, इन्डियन प्रिमियर लिगको चौधौं संस्करण आजबाट सुरु हुँदैछ । कोभिड- १९ को प्रकोप खेपिरहेको भारतले

लन्डन । युएफफा च्याम्पियन्स लिगअन्तर्गत बिहीबार बिहान सम्पन्न तेस्रो क्वार्टरफाइनलमा फ्रेन्च क्लब पेरिस सेन्ट जर्माइन (पिएसजी) र इग्लिस क्लब चेल्सी