सेनाले रगत दिएपछि दुई महिलाको ज्यान बच्यो

१६ असार २०६९, शनिबार १२:०० मा प्रकाशित

खोटाङ, १६ असार । नेपाली सेनाका जवानले रक्तदान गरेपछि रगतको अभावमा मृत्यु शैयामा छट्पटाइरहेका खोटाङका दुई महिलाको ज्यान बचेको छ । जबरजंग मुढे ब्यारेक दिक्तेलमा कार्यरत नेपाली सेनाका १० जना जवानहरुले रगत दिएपछि रगतको अभावमा जिल्ला अस्पताल दिक्तेलमा छट्पटाई रहेकी बाँझेच्यानडाँडा–८ की सुत्केरी महिला सञ्जुकला राई र दोर्पाकी रक्तअल्पताबाट पीडित बिरामी मञ्जु बिष्टको ज्यान बचेको हो । सुत्केरी सञ्जुकलालाई गणका हुदा दिनेश लामीछाने, अमलदार उसारी लामा, सिपाहीहरु ललित खत्री, पदम प्रधान र श्याम राजबंशीले एक÷एक पाउण्ड रगत दिनु भएको हो । यस्तै, रक्तअल्पताकी बिरामी मञ्जुलाई प्युठ धनबहादुर अधिकारी, अमलदार ज्ञानबहादुर राई, सिपाहीहरु खिलक तामाङ, लिलाराज भण्डारी र रामसिं खत्रीले एक÷एक पाउण्ड रगत दिनुभएको अस्पतालले जनाएको छ । बिरामीलाई रगत दिनका लागि आग्रह गरिएपछि सेनाका जवानहरुले बिरामीहरुलाई रक्तदान गरेको जबरजंग गणको भनाइ छ । जिल्लामा ब्लड बैंकको अभावमा नेपाली सेनाका जवान, नेपाल प्रहरी, ईच्छुक दाता तथा बिरामीहरुको आफन्तबाट रगतको व्यवस्था गरिँदै आइएको छ ।

प्रतिक्रिया
सम्बन्धित खवर

काठमाडौं । प्रधानमन्त्री शेरबहादुर देउवा पत्नी आरजु राणा देउवालाई कोरोनाभाइरस संक्रमण भएको छ । कोरोनाभाइरस संक्रमण भएपछि आरजु केही दिनयता

विराटनगर । निरन्तरको वर्षाले सप्तकोशी नदीमा पानीको बहाव बढेको छ । बुधबार साँझको मापनअनुसार सप्तकोशीमा पानीको बहाव १ लाख ७८

‘असारै खाउला दुधिलो मकै, साउने खाउला खिर, घरमा छैन शितलु वचन, मनमा छैन थिर । छुपुमा छुपु खेतमै रोपु, हातको

काठमाडौं । अविरल वर्षाका कारण झापा, मोरङ र रुपन्देहीका केही भूभाग डुबानमा परेका छन् । झापाको शिवसताक्षी नगरपालिका–४ बस्ने हरिदेव