प्रधानमन्त्रीद्धारा छिट्टै सहमति बन्ने विश्वास ब्यक्त

१५ असार २०६९, शुक्रबार १४:५२ मा प्रकाशित


काठमाडौ, १५ असार । प्रधानमन्त्री डा. बाबुराम भट्टराईले राष्ट्रिय सहमति र वर्तमान सङ्कटको निकासका लागि आफू प्रतिबद्ध भएर लागिरहेको बताउनुभएको छ । प्रधानमन्त्री निवास बालुवाटारमा आज कलाकारहरूसँग भएको छलफलमा प्रधानमन्त्रीले दलहरुका बीचमा ढिलो चाँडो सहमति जुट्ने पनि विश्वास व्यक्त गर्नुभयो । आफूलाई कुर्सीको मोह नभएको बताउँदै प्रधानमन्त्रीले देशलाई निकास दिने कुरा नै प्रमुख भएको बताउनुभयो ।चलचित्र क्षेत्रको विकासको लागि सरकार प्रतिबद्ध भएको बताउँदै प्रधानमन्त्रीले विदेशी चलचित्रको सेपमा नेपाली चलचित्र परेकामा चिन्ता व्यक्त गर्नुभयो । पाइरेसी, रोयल्टीलगायतका समस्यालाई समाधान गर्नका लागि सबै प्रकारको पहल गर्ने पनि उहाँले बताउनुभएको थियो । छलफलका क्रममा कलाकारले चलचित्र क्षेत्रको विकासका लागि सरकारले पहल गर्नुपर्नेमा जोड दिनुभएको थियो । उहाँहरुले कलाकारका लागि राज्यले कोष खडा गर्नुपर्ने पनि माग राख्नुभएको थियो । पाइरेसी, सिआरबिटी समस्या समाधान गर्न सरकारले पहल गर्नुपर्नेमा कलाकर्मीले जोड दिएको भेटमा सहभागी चलचित्र निर्देशक अशोक शर्माले जानकारी दिनुभयो ।

प्रतिक्रिया
सम्बन्धित खवर

काठमाडौँ । केटोन्जी ब्राउन ज्याक्सन अमेरिकी सर्वोच्च अदालतको पहिलो अश्वेत महिला न्यायाधीश बनेकी छन् । उनले गएराती राति पद तथा

काठमाडौं । नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’ र जनता समाजवादी पार्टीका संघीय परिषद अध्यक्ष डा. बाबुराम भट्टराईबीच भेटवार्ता

काठमाडौं । नेपाली कांग्रेसका पूर्वसहमहामन्त्री अर्जुननरसिंह केसी अस्पतालबाट डिस्चार्ज भएका छन् । असार १३ गते काठमाडौंको ह्याम्स अस्पतालमा भर्ना भएका

बागलुङ । वर्षाका बेला बागलुङवासीले धारोमा पानी आउछ कि आउँदैन भनेर आकाशतर्फ फर्केर निक्यौल गर्ने गर्छन् । वर्षातको समयमा बागलुङमा