प्रधानमन्त्री आफ्नै अडानमा

१४ असार २०६९, बिहीबार १४:३२ मा प्रकाशित

काठमाडौं, १४ असार । प्रधानमन्त्री डा. बाबुराम भट्टराईले संविधान निर्माण लगायत विगतमा भएका कमी–कमजोरीबाट पाठ सिक्दै समीक्षा गर्नु जरुरी रहेको बताउनुभएको छ । संविधानसभाको विघटन, एकलौटी ढंगमा नयां निर्वाचनको घोषणा जस्ता विषयलाई लिएर प्रतिपक्षी दलहरुद्वारा प्रधानमन्त्रीको राजीनामा माग्दै आन्दोलनमा रहेका बेला प्रधानमन्त्रीले कमी–कमजोरीबारे समीक्षा गर्नु आवश्यक रहेको उल्लेख गर्नुभएको हो ।
राष्ट्रिय सहमति बनाएर अघि बढ्नुको विकल्प नभएको भन्दै प्रधानमन्त्री भट्टराईले आफ्नै नेतृत्वको सरकारलाई सहमतिको सरकार मानेर अगाडि बढ्न परोक्ष रुपले आग्रह गर्न चुक्नुभएन । ब्राजिलबाट फर्किएलगत्तै अर्को निर्वाचनसम्म यही सरकार रहने विवादास्पद अभिव्यक्ति दिएर आलोचित बन्नुभएका भट्टराईले एकअर्कालाई आरोप–प्रत्यारोप गरेर समय बिताउनुभन्दा मुलुकलाई आर्थिक उन्नतीको बाटोमा लैजान सबैले सामूहिक प्रयत्न गर्नुपर्ने विचार प्रकट गर्नुभयो ।
त्रिभुवन विश्वविद्यालयको ५३ औं वाषर््िाक समारोहलाई आज सम्बोधन गर्दै उहांले निर्वाचित निकायबाटै संविधान जारी हुनुपर्ने भएकोले त्यसका लागि सबैको प्रतिवद्धता अपरिहार्य रहेकोमा जोड दिनुभयो । सो समारोहमा सहभागी हुन जांदा कांग्रेसका कार्यकर्ताहरुले त्रिवि गेटमा भट्टराईलाई कालो झण्डा देखाएर विरोध गरेका थिए । सो क्रममा केही विद्यार्थीलाई प्रहरीले नियन्त्रणमा लिएको छ ।

प्रतिक्रिया
सम्बन्धित खवर

काठमाडौँ । नेपाली काँग्रेसको स्थानीय तह निर्वाचन केन्द्रीय परिचालन समितिले सिट संख्या बढाउन गठबन्धन आवश्यक भएको निष्कर्ष निकालेको छ ।

फर्डिनान्ड रोमुआल्डेज मार्कोस जुनियरले बिहीबार मनिला शहरमा हजारौं मानिसहरूका बीच फिलिपिन्सको १७ औं राष्ट्रपतिको रूपमा शपथ ग्रहण गरेका छन्। मार्कोस

एजेन्सी । दोस्रो विश्वयुद्धमा जापानी फौजलाई आच्छुआच्छु पारेर राष्ट्रपतिबाट सर्वोच्च पदक पाएका हर्शेल डब्ल्यू विलियम्सको ९८ वर्षको उमेरमा मृत्यु भएको

काठमाडौं । प्रधानमन्त्री शेरबहादुर देउवा पत्नी आरजु राणा देउवालाई कोरोनाभाइरस संक्रमण भएको छ । कोरोनाभाइरस संक्रमण भएपछि आरजु केही दिनयता