संविधानसभा ब्युंताउन कांग्रेसका पूर्वसभासदहरुले पार्टीलाई दबाव दिने

१४ असार २०६९, बिहीबार ०८:०९ मा प्रकाशित


काठमाडौं, १४ असार । नेपाली कांग्रेसका ५ दर्जनभन्दा बढी सभासदहरुले संविधान निर्माणका लागि संविधानसभालाई पुनस्र्थापन गराउने विषय पार्टीकै एजेन्डा बन्नुपर्ने माग गरेका छन् । संविधान निर्माणका अन्य विकल्पमा जानुको साटो राष्ट्रिय सहमति गरी जननिर्वाचित संसद ब्युंताउनु पर्ने उनीहरुको तर्क छ । राजधानीमा बुधबार भएको पूर्वसभासदहरुको भेलाले राज्यपुनर्संरचनाको विवाद समाधान गरी संविधानसभा पुनस्र्थापना गर्नुपर्ने निष्कर्श निकालेको हो । भेलाले संविधानसभा पुनस्र्थापनालाई पार्टीको एजेन्डा बनाउनुपर्ने मागसहित सभापति सुशील कोइराला, उपसभापति रामचन्द्र पौडेल र वरिष्ठ नेता शेरबहादुर देउवालाई ज्ञापनपत्र बुझाउने तयारी गरेको छ । भेलामा सहभागी पूर्वसभासद जीवनप्रेम श्रेष्ठले संविधान निर्माणका लागि संविधानसभा नै उपयुक्त विकल्प भएकोले यसैलाई एजेण्डा बनाउन पार्टी नेतृत्वलाई दबाव दिने बताए ।
संविधानसभा पुनस्र्थापनको अभियानमा नेपाली कांग्रेसका पूर्वसभासद कमला पन्त, जीवनप्रेम श्रेष्ठ, मोहनप्रसाद, महेन्द्रध्वज जीसी, शोभाकर पराजुलीलगायत सक्रिय रहेका छन् भने कांग्रेसका नेता देउवालेबाहेक यस विषयमा खुलस्त केही बोलेका छन् ।

प्रतिक्रिया
सम्बन्धित खवर

रामेछाप । रामेछापको सुनापातीमा यात्रु बाहक बस लुभुखोलामा दुर्घटनामा परेको छ ।  दुर्घटनामा  कम्तिमा ९ जनाको मृत्यु भएको प्रहरीले जनाएको छ । उद्धारकार्य जारी रहेकाले

काठमाडौं।उपत्यकाको सुरक्षा केन्द्र सरकार मातहत राख्ने विषयमा दलहरू विभाजित भएका छन् । सिंहदरवारस्थित राज्य व्यवस्था तथा सुशासन समितिको सभाकक्षा सोमबार भएको

रोम।इटालीले झण्डै ७० वर्षयताकै सबैभन्दा खराब खडेरीको सामना गरिरहेको छ । खडेरीपछि सरकारले पो नदी वरपरका धेरै क्षेत्रमा आपतकालीन अवस्था

काठमाडौं । रुसी राष्ट्रपति भ्लादिमिर पुटिनले युक्रेनको लिसेचान्स्क सहर कब्जा गरेपछि आफ्ना रक्षामन्त्रीलाई युक्रेनमा आक्रमण जारी राख्न आदेश दिएका छन्।