असार १५ गते नवौं राष्ट्रिय धान दिवस तथा रोपाई महोत्सव मनाइने

काठमाडौ, १३ असार । धान खाद्य सुरक्षाको लागि जिवन वरदान भन्ने मुल नाराका साथ असार १५ गते  नवौं राष्ट्रिय धान दिवस तथा रोपाई महोत्सव मनाइने भएको छ । कृषि विभागका विभागले आज पत्रकार सम्मेलनमार्फत किसानलाई कृषि पेशामा सक्रिय गराउनको लागि महोत्सवलाई भव्य किसीमले मनाउन लागेको जानकारी दिइयो । नवौं राष्ट्रिय धान दिवस तथा रोपाई महोत्सव तथा कृषि विभागका महानिर्देशक डा श्याम शाहले गत वर्ष १५ लाख ३१  हजार हेक्टरमा धान खेती लगाएकोमा ५० लाख ७२ हजार  मेट्रीक टन धान उत्पादन भएको जानकारी दिनुभयो । समयमा पानी नपरेकाले यस वर्ष देशभर ५ प्रतिशत मात्रै रोपाई भएको छ । गत वर्षमा असारको पन्ध्रसम्म ३० प्रतिशत रोपाई भइसकेको थियो ।