‘बाबुराम नाम कपटको पर्याय’ ः मिनेन्द्र

१३ असार २०६९, बुधबार १८:०५ मा प्रकाशित


काठमाडौं, १३ असार । कुनै हालतमा आफूले राजीनामा नदिने भनी प्रधानमन्त्री डा. बाबुराम भट्टराईले दिएको अभिव्यक्तिप्रति एकीकृत नेकपा माओवादीका अध्यक्ष प्रचण्डले समेत सार्वजनिक रुपमै आपत्ति जनाइसकेको सन्दर्भबीच सो पार्टीका प्रवक्तासमेत रहेका शिक्षामन्त्री दीनानाथ शर्माले प्रधानमन्त्रीले पार्टीको आधिकारिक लाइनमा रहेर सो अभिव्यक्ति दिएको दाबी गरेका छन् । संविधानका विवादित विषय र भावी प्रधानमन्त्री को भन्नेमा सहमति नभएसम्म प्रधानमन्त्रीले राजीनामा नदिने पनि प्रवक्ता शर्माले दोहो¥याए । राजधानीमा आज आयोजित एक कार्यक्रममा उनले भने– ‘राष्ट्रपतिले राजीनामाको आह्वान त गर्न सक्छन् तर प्रधानमन्त्रीलाई हटाएर अर्को व्यक्तिलाई प्रधानमन्त्री बनाउने हैसियत राख्दैनन् ।’
सोही कार्यक्रममा एमाले नेता भीम रावलले ‘म सबैथोक हुं’ भन्ने हठ त्यागेर बाबुराम भट्टराईले समस्या निकासका लागि बाटो खुला गर्नुृपर्ने जनाए । यसलाई हल्का रुपमा लिए अब छिट्टै आन्दोलनले नै प्रधानमन्त्रीलाई बढार्ने उनको उद्घोष थियो । सेना समायोजन विषेश समितिले पहिले गरेका निर्णय कार्यान्वयन नभएसम्म विशेष समितिको बैठकमा आफूहरु सहभागी नहुने पनि नेता रावलले जनाए ।
यसैगरी नेपाली कांग्रेसका नेता मिनेन्द्र रिजालले बाबुराम भट्टराई भन्ने नाम कपट र षड्यन्त्रको पर्यायवाची भएको आरोप लगाउनुभयो । भट्टराईले सत्ता लम्ब्याउने नाटक रचिरहेको उनको जिकीर थियो ।

प्रतिक्रिया
सम्बन्धित खवर

काठमाडौँ । कर्मचारी समायोजनसम्बन्धी विवादमा सर्वोच्च अदालतको फैसला सार्वजनिक भएसँगै लोकसेवा आयोगलाई सम्पूर्ण परीक्षा सञ्चालन गर्न बाटो खुलेको छ ।

काठमाडौँ । नेपाली कांग्रेसका नेता प्रदीप गिरीको निधन भएको छ । क्यान्सर रोगबाट पीडित नेता गिरीको आज राति ९:३० बजे

काठमाडौँ । देशभर आंशिकदेखि सामान्य बदली रही तीन प्रदेशमा भारी वर्षा हुने भएको छ । जल तथा मौसम विज्ञान विभागका

काठमाडौँ । काठमाडौँको बालाजुमा रहेको जुत्ता कारखानामा आगलागी भएको छ ।काठमाडौँ महानगरपालिका–१६ बालाजु बाइपास नजिकको एक घरमा केहीबेर अगाडि आगलागी