अब नेपाली कांग्रेसको नेतृत्वमा सरकार बन्नुपर्छ – सुशील कोइराला, नेका सभापति

१३ असार २०६९, बुधबार ०७:५८ मा प्रकाशित


प्रधानमन्त्री डा. बाबुराम भट्टराईले निर्वाचितबाहेक अरू कसैलाई पद नछाड्ने भन्नुभएको छ, अब कसरी नयां सरकार बन्ला ?
कसले कहां के बोले म जान्दिन“ । त्यस्ता भनाइस“ग मेरो कुनै चासो पनि छैन । प्रधानमन्त्री डा. बाबुराम भट्टराईको राजीनामा मुलुकलाई निकास दिन अहिलेको अनिवार्य सर्त हो । उहांले तत्काल पद छाडेर सहमतिको सरकार निर्माणको वातावरण निर्माण गर्नुपर्छ । असंवैधानिक रूपमा उहांजस्तो व्यक्तिलाई पदमा टांसिरहेर बस्न सुहाउंदैन ।
प्रधानमन्त्रीले छोड्दिन नै भन्नुभएको छ, कसरी हटाउनुहुन्छ ?
प्रधानमन्त्री डा. बाबुराम भट्टराईले पद आफैले छोड्दा राम्रो हुन्छ , उहांले छोड्नैपर्छ । यसको विकल्प अहिले सोच्नु हुन्न , अन्यथा मुलुकका लागि दुर्भाग्यपूर्ण हुन्छ । अहिले अरु कुरा म जान्दिनंं, मुलुकलाई निकास दिन उहांले सघाउनु पर्छ ।
प्रधानमन्त्रीले आफैं नछोडे के गर्नुहुन्छ ?
यस्तो ‘प्रोभोक’ गर्ने प्रश्न नगर्नुस् । म, काङ्ग्रेस र अरू दलहरू चाहन्छन् कि प्रधानमन्त्रीले तत्काल पद त्याग गरेर सहमतिको वातावरण निर्माण गर्नुपर्छ । प्रधानमन्त्री भट्टराईलाई स्वयम् राष्ट्रपतिले नै कामचलाउ भनिसक्नुभएको छ । कामचलाउ सरकारलाई धेरै दिन मुलुकमा राख्नु दुर्भाग्यपूर्ण हुन्छ । नेपाली काङ्ग्रेसको बटमलाइन पनि यही हो । योभन्दा अरू विषयमा सहमति बन्ने सम्भावना पनि अहिले मुलुकमा छैन ।
प्रधानमन्त्रीको एयरपोर्ट–अभिव्यक्तिलाई तपाईंले कसरी लिनुभएको छ ?
म कसले के बोले भन्ने कुराको पछि लाग्दिनं । संस्थागत निर्णयमा हिंड्ने मान्छे, संस्थागत कुरालाई मात्रै महŒव दिन्छु । यो कुरा संस्थागत रूपमा आए त्यसबेला भनौंला । दलहरूबीच पहिला नै पांचबुंदे सहमति भइसकेको अवस्थामा प्रधानमन्त्रीले संविधानसभाको अवसान गराएर मुलुकलाई अन्योलमा फसाउनुभयो, अब उहांले राजीनामा दिनुको विकल्प छैन । बोलेर केही हुंदैन ।
सबैको दृष्टि राष्ट्रपतितिर देखिन्छ, उहांले निकासका लागि के गर्नुपर्ला ?
राष्ट्रपतिले के गर्नुहुन्छ भनेर उहांको कुरा मैले गर्ने होइन । उहां संविधानको संरक्षक हुुनुहुन्छ । मुलुकलाई निकास दिन के गर्नुपर्छ, त्यो उहांले नै गर्ने हो र गर्नु पनि होला । उहांले पनि छलफल गरिरहनुभएको छ । छलफल गरेर कुनै निकास खोज्नुहोला नै । म उहांको कुरा गरेर विवादमा तान्न चाहन्न ।
सहमतिको सरकार कसको नेतृत्वमा बनाउने नि ?
सबै राजनीतिक शक्तिहरू मिलेर अघि बढ्नुपर्छ । पांचबुंदे सहमतिअनुसार नै काङ्ग्रेसले आगामी सरकारको नेतृत्व गर्नुपर्छ । काङ्ग्रेसकै नेतृत्वमै सरकार बन्नुपर्छ । काङ्ग्रेसको नेतृत्वले नै अहिले मुलुकलाई निकास र मेलमिलापको राजनीति अगाडि बढाउन सक्छ ।
त्यसो भए काङ्ग्रेसबाट प्रधानमन्त्री को त अब ?
को प्रधानमन्त्री हुने भन्ने कुरा बाहिर गर्ने कुरा होइन । काङ्ग्रेसले सहमतिबाटै प्रधानमन्त्रीको चयन गर्छ ।
तपार्इं, शेरबहादुर देउवा र रामचन्द्र पौडेलमध्ये को हुन्छ भनिदिनुहोस् न ?
सहमतिमा जो पनि हुनसक्छ । यो कुराको निर्णय केन्द्रीय कार्यसमितिले सहमतिमा गर्नेछ । अहिले संसदीय दल नरहेको बेला केन्द्रीय समिति नै भावी प्रधानमन्त्री चुन्ने एकमात्र निकाय हो । साथीहरूसंग छलफल हुन्छ र सहमति, लोकतान्त्रिक विधिबाट काङ्ग्रेसले प्रधानमन्त्रीको साझा उम्मेदवार तय गर्छ ।
तपाईं नबन्ने ?
मेरा लागि पद भन्ने कुरा गौण हो । अरूले पदको लोभ गर्लान्, म पदको लोभ राख्दिनं । मैले कहिले पनि पदका लागि महŒव दिएको छैन । मेरा लागि लोकतन्त्र, विधिको शासन, प्रेस स्वतन्त्रता र मानवअधिकार नै सबैभन्दा महŒवपूर्ण कुरा हो ।
तपाईंको नाम अगाडि सारियो भने नि ?
त्यो कुरा त्यहीबेला सोचौंला । मैले अहिलेसम्म प्रधानमन्त्री बन्ने चाहना व्यक्त गरेको छैन ।
प्रचण्ड र तपाईंबीच त सहमति भएको थियो रे नि ?
क–कसले बाहिर के भनेका छन् त्यसको कुनै अर्थ रहंदैन । संस्थागत निर्णय गरेपछि यो कुरा गरौंला ।
अब काङ्ग्रेस एक भएकै हो त ?
हो, काङ्ग्रेस एक भएकै हो । पार्टीभित्र सामान्य मतभेद हुनु स्वाभाविक हो । यसलाई लिएर पार्टी एक थिएन भन्नु उपयुक्त हुंदैन । काङ्ग्रेस लोकतान्त्रिक मूल्य, मान्यता र आदर्शबाट चल्ने पार्टी हो । विवादहरू आउंछन् । र, प्रक्रियाबाट समाधानमा पनि पुग्छन् । अब काङ्ग्रेस सङ्गठित भएर जनताको माझमा जान्छ । लोकतन्त्र र जनताको अधिकारको पक्षमा जागरण गराउ“छ ।

प्रतिक्रिया
सम्बन्धित खवर

आगामी सङ्‍घीय र प्रदेश संसद्को निर्वाचनमा पाँच दलीय गठबन्धनबीच तालमेल हुनेमा शंका उत्पन्‍न हुनेगरी शीर्ष नेताहरूले नै अभिव्यक्ति दिइरहेका छन् । स्थानीय

हालै सम्पन्न स्थानीय तह निर्वाचनमा ७५३ मध्ये सबैभन्दा बढी चर्चामा रहेको भरतपुर महानगरपालिकामा अन्ततः गठबन्धनको तर्फबाट नेकपा माओवादी केन्द्रबाट प्रमुखको

वैशाख ३० गते सम्पन्न स्थानीय तह सदस्य निर्वाचनमा पोखरा महानगरपालिकाको प्रमुखमा सत्ता गठबन्धनबाट नेकपा(एकीकृत समाजवादी)का धनराज आचार्य निर्वाचित हुनुभयो ।

काठमाडौं । पूर्वउपप्रधान तथा परराष्ट्रमन्त्री एवं नेपाली कांग्रेसकी नेतृ सुजाता कोइरालाले मुलुकमा विकास निर्माण लक्षित कामलाई प्राथमिकतामा राख्नुपर्नेमा जोड दिएकी

आजको प्रमुख समाचार