“उज्यालो यात्रा” -मणि लोहनी

११ असार २०६९, सोमबार २०:४९ मा प्रकाशित

र म उज्यालोको यात्रामा निक्लिएँ

एउटा नाङगो पानामा
देश बोकेर हिँडिरहेकी त्यो किशोरी
सडकमा तैनाथ विद्यार्थीहरू
तिनीहरूको मुठ्ठीमा कसिएको ढुङगा
र उनीहरूको पर्सको कुनै कुनामा च्यापिएर बसेको
प्रेमिकाको रङ्गीन तस्बिर – सर्वत्र छ उज्यालो ।

मलाई पुग्दैन यी टुक्रा टुक्रा उज्यालोले
मलाई सिङगो उज्यालो चाहिएको छ
मलाई चाहिएको छ ,
तिम्रो ओठमा टाँगिएको
एक घर्सो मुस्कानजस्तो उज्यालो
तिम्रो आँखामा चम्किएको
एक हरफ जिन्दगीजस्तो उज्यालो

क्यानभासमा खस्दै गएको रङ्ग
र तिम्रो चलायमान औँलामा छ उज्यालो
त्यो युवतीले गाइरहेको प्रेमगीत
र देशको सुरक्षार्थ सीमामा खटिएको
त्यो नौजवानको छातीमा छ उज्यालो
मलाई पुग्दैन
हरेक दिन उदाउँदै अस्ताउने यी उज्यालोहरूले
मलाई सिङगो उज्यालो चाहिएको छ ।

तिमीकहाँ त कहिल्यै निभ्दैन घाम
मन्दिरको दियोजस्तो
सधैँ उदाइरहने सूर्य छ तिमीसँग
र हामीकहाँ,
दर्शनढुङगा ठोकेजस्तो
कहिलेकाहीँ मात्र झुल्कन्छ उज्यालो ।

र म उज्यालोको यात्रामा निक्लिएँ
मेरो साथमा छन् – असख्य अँध्यारा अनुहारहरू ।

प्रतिक्रिया
सम्बन्धित खवर

सरकारले ३० वैशाखमा स्थानीय तहको चुनावको मिति घोषणा गरेको छ। स्थानीय तहको चुनाव नजिकिँदै गर्दा कांग्रेसका सभापति तथा प्रधानमन्त्री शेरबहादुर

ताप्लेजुङ । माङ्गेना अनलाइन टिभीको प्रस्तुति रहेको ‘पालाम’को शनिवार ताप्लेजुङ सदरमुकाम फुङ्लिङमा विमोचन गरिएको छ । माघे संक्रान्ति अर्थात् कक्फेक्वा

काठमाडौँ । २०७७ सालको मदन पुरस्कार भगिराज इङनामको लिम्बुवानको ऐतिहासिक दस्तावेज सङ्ग्रह (सम्वत् १७१९-२०२०) ले पाएको छ ।मदन पुरस्कार गुठीले

नुवाकोट स्थायी घर भई काठमाडौँमा रहेर साहित्य सिर्जनामा सक्रिय सर्जकको संस्था त्रिशूली वाङ्मय प्रतिष्ठानको बाह्रौँ साधारणसभाले आगामी दुई वर्षका लागि