एशिया म्युजिकल फेस्टिबलमा प्रथम नौमती बाजा

१० असार २०६९, आईतवार १९:०३ मा प्रकाशित

धर्मराज अधिकारी, फार्नबरो, लण्डन । लण्डन ओलम्पिक नजिकिंदै गर्दा बेलायतभर यसको खुशीयालीमा विभिन्न कार्यक्रमहरु भइरहेका छन् ।

यसै सन्दर्भ पारेर ह्याम्सायर काउन्टी काउन्सीलले एकैसाथ संगीत भन्ने नाराका साथ एशियन म्युजिक फेस्टिबलको आयोजना गर्यो । सो म्युजीक फेस्टिबलमा प्रथम नौमती बाजा गुल्मी युके सहभागि भएको थियो । गुल्मी जिल्ला समाज युकेका अध्यक्ष ओमप्रसाद थापाको नेतृत्वमा सहभागि नौमती बाजा टिमले करीब पौने घण्टासम्म सहभागि भएका बेलायती दर्शकहरुलाई मनोरञ्जन दिएको थियो ।

कार्यक्रममा सहभागीहरुले नेपाली नौमती बाजासंगै छमछमी नाचेका गुल्मेली महिला तथा पुरुषहरुलाई घत मानी मानी हेरेका थिए । अन्य समुदाय तथा ब्याण्ड भन्दा पृथक देखिएको थियो नौमती बाजा समुह । नेपाली पोषाकमा ठांटिएर गएका समुहका सदस्यहरुले नेपाली र बेलायती राष्ट्रिय झण्डा बोकेका थिए ।

उनीहरुले बाजाको तालमा गितसहित समुहका महिला तथा पुरुष सदस्यहरुलाई नचाएका थिए । नेपाली परम्परागत विवाह समारोहमा जस्तै उनीहरुले नरसिंह, सनइ, टेम्को, दमाहा आदी बाजा बजाए ।

कार्यक्रमपछि बोल्दै गुल्मी जिल्ला समाजका अध्यक्ष ओम प्रसाद थापाले ओलम्पिक खेलको पुर्वसन्ध्यामा हयाम्सायरले आयोजना गरेको कार्यक्रममा नौमती वाजा युकेले सहभागिता जनाएको बताए । उनले ह्याम्सायर काउण्टीमा भएका विभिन्न ब्याण्डहरुसंगै नेपालीहरुको नेतृत्व गर्न गुल्मी समाज सफल भएको जानकारी दिए ।
बाजाका संयोजक टोप कल्लीले नेपाली पहिचान र संस्कृतिलाई बेलायती सामु पुर्याउन आफुहरुको प्रयास रहेको जानकारी दिए । उनले नेपाली पोषाक, झण्डा र बाजाकासाथ आफुहरु सहभागिभएको बताउंदै यसले नेपालमा सांस्कृतिक पर्यटनको विकासमा टेवा पुग्नसक्ने विश्वास लिए ।

काउण्टी काउन्सीलका कल्चरल संयोजक क्याभिन रोजर ले नेपाली ब्याण्डसंग सहकार्य गर्न पाउंदा खुशी लागेको बताए । लण्डन ओलम्पिक २०१२ लाई भव्य रुपमा सफल पार्न यसको पुर्वसन्ध्यामा कार्यक्रम आयोजना गरीएको उनले जानकारी दिए । उनले यस कार्यक्रममा एशियाभरका विभिन्न देशका अलावा स्कुल तथा कलेजका ब्याण्डहरुपनि सहभागी भएको उल्लेख गरेका थिए ।

प्रतिक्रिया
सम्बन्धित खवर

काठमाडौँ । नेपाली काँग्रेस केन्द्रीय तरुण विभागको डेनमार्क शाखा प्रमुखमा काभ्रेका प्रदिप तिवारी मनोनयन हुनु भएको छ । आठ वर्षदेखि

अमेरिकाको टेक्सास राज्यस्थित युलेस सिटी काउन्सिल मेम्बरमा नेपाली मूलका टीका पौडेल विजयी हुनुभएको छ । स्थानीय समयानुसार शनिबार राति सम्पन्न

भाषा मानव जातिले मौखिक, लिखित वा सांकेतिक माध्यममा प्रयोग गर्ने संचार माध्यम हो। संसारका कतिवटा भाषाहरू छन् भनेर एकिन का

बाबा राजेश्वरी थापा, अस्ट्रिया:  बेलायतमा बिहीवार ६ मे २०२१ मा  सम्पन्न स्थानीय निर्वाचनमा हन्सलोस्थित काउन्सिलमा बिष्णु बहादुर गुरुङ्ग मेयर, र