सहमतिको सरकार गठन र सहमतिमै नयाँ निर्वाचनको मिति घोषणा गर्न महासंघको माग

९ असार २०६९, शनिबार १७:०२ मा प्रकाशित

काठमाडौ, ९ असार । नेपाल पत्रकार महासंघले संविधानसभाको विघठन भन्दा अघि दलहरुवीच भएको सहमतिको आधारमा सहमतिको सरकार गठन गरी सहमतिमै नयाँ निर्वाचनको मिति घोषणा गर्न माग गरेको छ ।
महासंघको चरिकोटमा बसेको केन्द्रीय समितिको बैठकले नसंघीय लोकतान्त्रिक गणतन्त्र नेपालको संविधान निर्माण नभई संविधानसभा समाप्त हुनु नेपाल र नेपाली जनतामाथि घोर अपमान भएको ठहर गर्दै संविधान नबनाउनु मुलुकका राजनीतिक दलहरुले जनतासमक्ष गरेका बाचाको उपेक्षा भएको ठहर गरेको छ ।
बैठकले    बढदो दण्डहीनता, सरकारसहित विभिन्न पक्षबाट भएका हस्तक्षेप र आक्रमणले पत्रकारलाई निर्भयतापूर्वक काम गर्न बाधा उत्पन्न गरेको ठहर गर्दै  सरकार आमसंचारक्षेत्रमाथि विभिन्न बहानामा हस्तक्षेप गर्ने योजनामा रहेको दावी गर्दै त्यस्तो  काम तत्काल अन्त गर्न सरकारसँग माग गरेको छ ।
त्यसैगरी श्रमजीवि पत्रकार ऐन तत्काल लागु गर्नु पर्ने, लोककल्याणकारी विज्ञापनको भुक्तानी तत्काल गर्नुपर्नेलगायतका निर्णय पनि बैठकले गरेको छ ।

महासंघले संचारमाध्यममा आउने गरेको लगानीप्रति आशंका ब्यक्त गर्दै लगानी पारदर्शी हुनु पर्नेमा जोड दिएको छ । उसले अपारदर्शी र अदृश्य लगानीले व्यावसायिकताको धारलाई कमजोर बनाउनेमा चिन्ता ब्यक्त गर्दै यस्ता लगानीले संचारमाध्यमको भूमिका र विकासक्रमलाई प्रभावित तुल्याउनेतर्फ सबैको ध्यान आर्कषित गराएको छ ।

प्रतिक्रिया
सम्बन्धित खवर

उदयपुर जिल्लाको त्रियुगा नगपालिका–८ उत्तराई टोलमा आज बिहान ५ बजे खुुकरी प्रहारबाट एक वृद्धको हत्या भएको छ । जिल्ला प्रहरी

काठमाडौं । प्रधानमन्त्री एवं नेपाली कांग्रेसका सभापति शेरबहादुर देउवाले इस्लाम धर्मावलम्बीको महान् पर्व इद उल अज्हाको अवसरमा सम्पूर्ण नेपाली मुसलमान

विषाक्त मदिरा पिउँदा बागलुङमा चार जनाको मृत्यु भएको छ । जिल्लाको गलकोट नगरपालिका–७ मल्मस्थित खानेपानी आयोजनामा काम गर्ने मजदुरहरू २१

चितवन । चितवनकाे भरतपुर महानगर पालिका ५ कैलाश नगरमा खेत जोत्ने क्रममा ट्याक्टर पल्टिँदा ट्याक्टर चालककोमृत्यु भएको छ । आज