स्वास्थ्य लाभ गरी राजपा अध्यक्ष थापा घर फिर्ता

९ असार २०६९, शनिबार १६:५८ मा प्रकाशित


काठमाडौ, ९ असार । राष्ट्रिय जनशक्ति पार्टीका अध्यक्ष सूर्यबहादुर थापा स्वास्थ्यलाभ गरी आज घर फर्कनुभएको छ । जेठ २७ गते अकस्मात बेहोस भएपछि श्री थापालाई उपचारका लागि नर्भिक अस्पतालमा भर्ना गरिएको थियो । उहाँलाई नर्भिक अस्पतालका वरिष्ठ चिकित्सक भरत रावत तथा भारतबाट आएका वरिष्ठ चिकित्सकहरु आरआर कास्लिवाल र  नगेन्द्र चौहानसहितको टोलीले उपचार गरेको थियो । अध्यक्ष थापालाई अस्पतालमा शल्यक्रिया गरी पेसमेकरसमेत जडान गरिएको छ । उहाँ अहिले पूर्णरुपमा स्वस्थ रहनुभएको अध्यक्ष थापाका छोरा सुनिलले जानकारी दिनुभयो । अस्पतालबाट बाहिरिने क्रममा सञ्चारकर्मीसँग सङ्क्षिप्त भेटघाटमा अध्यक्ष थापाले धैर्य र संयमतापूर्वक अविचलित रही उपचारमा संलग्न रहेर आफ्नो स्वास्थ्यस्थितिमा उल्लेखनीय सुधार ल्याउन ‘जीवनदाता’ भूमिका निर्वाह गरिएको भनी  चिकित्सकहरुप्रति विशेष आभार व्यक्त गर्दै धन्यवाद ज्ञापन गर्नुभयो ।

प्रतिक्रिया
सम्बन्धित खवर

काठमाडौँ । देशभर आंशिकदेखि सामान्य बदली रही तीन प्रदेशमा भारी वर्षा हुने भएको छ । जल तथा मौसम विज्ञान विभागका

काठमाडौँ । काठमाडौँको बालाजुमा रहेको जुत्ता कारखानामा आगलागी भएको छ ।काठमाडौँ महानगरपालिका–१६ बालाजु बाइपास नजिकको एक घरमा केहीबेर अगाडि आगलागी

काठमाडौँ । राष्ट्रिय सूचना आयोगले सूचना नदिने ३३ कार्यालय प्रमुखलाई कारबाही गरेको छ । आयोगले सूचनाको हकसम्बन्धी ऐन, २०६५ को

नुवाकोट । शनिबार विहान भुकम्पको धक्का महसुस भएको छ । आज बिहान ५ बजेर २६ मिनेट जाँदा  भुकम्पको धक्का महसुस